د ملګرو ملتونو د ماشومانو د ملاتړ صندوق (یونیسف) اټکل کړي، چې په ۲۰۲۶ میلادي کال کې به ۲۱.۹ میلیونه وګړي، له دې جملې، ۱۱.۶ میلیونه ماشومان بشري مرستو ته اړتیا ولري.
رخشانه: دغه بنسټ نن (سه شنبې د مرغومي ۲۳مه) د یوې اعلامیې په خپرولو سره، په افغانستان کې د اړمونو سره د بشري مرستو په خاطر د ۹۵۰ میلیون امریکايي ډالرو مرستې غوښتنه کړې ده.
یونیسف ویلي چې «د افغانستان خلک همدارنګه د پرلپسې بحرانونو له ټولګې لکه طبیعي پېښې، د ملاتړ او ساتنې، اقتصاد، اساسي خدماتو ته د لاسرسي او اقلیمي بدلونونو د ټکانونو فضا محدودېدو» سره مخ دي.
د ملګرو ملتونو د ماشومانو د ملاتړ صندوق په وینا، د ساتنې او ملاتړ بحران د سختېدو په حال کې دی او امیدواره ښځې، ماشومان، ځوانان او څنډې ته کړای شوې ډلې، له زیاتو ننګونو سره لاس او ګیرېوان دي.
یونیسف ټينګار کړي، چې د شرایطو په لا خرابېدو سره، د دوی دوامداره شتون د حیاتي خدماتو وړاندې کولو او د ټولنې تر ټولو زیان مننونکو برخو د خوندیتوب لپاره اړین دی.
دغه بنسټ پر دوام ویلي، په افغانستان کې د ښځو او نجونو په وړاندې د طالبانو محدودیتونو «د خوندیتوب خطرونه زیات کړي او د ټولنې اوږدمهاله انعطاف ګواښي، چې پایلې به یې راتلوونکو نسلونو کې هم احساس شي.»
یونیسف وايي، له دې بنسټه ملاتړ «د دې تضمین لپاره چې په افغانستان کې هر ماشوم د ژوندي پاتې کېدو او غوړېدو فرصت ولري، حیاتي دی.»
