د ملګرو ملتونو د ماشومانو څخه د ملاتړ صندوق (یونیسف) اعلان کړی، چې د سختې یخۍ له امله، د افغانستان په ختیځ کې د ۲۷۰ زره ماشومانو ژوند له سخت خطر سره مخ دی.
رخشانه: دې بنسټ پرون (پنشنبې د سلواغې ۲ مه) په خپله اېکس پاڼه د یوې ویډیو په خپرولو سره لیکلي، د افغانستان په ختیځ کې ځمکلړزې، بحراني ژمی د ماشومانو لپاره په یوه تمام عیار ناورین اړولی دی.
یونیسف لیکلي: «په داسې حال کې، چې کورنۍ لا هم بې ځایه دي، او د هوا درجه هم تر منفي صفر ښکته شوې، ۲۷۰ زره ماشومان له سختې ځان ګواښوونکې یخنۍ سره مخ دي.»
دې بنسټ زیاته کړې، په داسې حال کې، چې دوی په دې ژمي کې له اړمنو سره په مرستو بوخت دي، خو اړتیاوې همداسې بېړنۍ او حیاتي دي.
د هېواد په ختیځ کې د روان کال په مني کې د ریشتر په کچه د شوې ۶ درجې زلزلې له امله ۲۱۰۰ تنه وژل شوي او ۳۶۰۰ نور ټپیان شوي وو.
د راپورونو له مخې، د دې طبیعي پېښې ۵۲ سلنه قربانیان او ۵۴ سلنه ټپیان ښځې او نجونې وې.
