هرات ښار کې ځايي سرچینې وايي، خدیجه احمدزاده، چې د ښځو د تکواندو روزونکې وه، د دولسو ورځو له تېرېدو وروسته د طالبانو له بنده خوشې شوه.
رخشانه: د هرات په جبریل ښارګوټي کې لږ تر لږه دریو سرچینو رخشانې رسنۍ ته تایید کړه، چې دغه ښځینه روزونکې پرون (پنشنبې د سلواغې ۲ مه) له ماسپښين وروسته، د طالبانو له بنده خوشې شوې ده.
یو سرچینې د هویت پټ ساتلو سره رخشانې رسنۍ ته و ویل، چې مېرمن احمدزاده پرون له ماسپښين وروسته شاوخوا ۳:۳۰ بجې د طالبانو له بنده راخوشې او په جبریل ښارګوټي کې خپله کور ته ستنه شوې ده.
سرچینې زیاته کړې: «مېرمن احمدزاده د محکمې له تېرولو وروسته خوشې شوې ده. په محکمه کې هغه تورونه چې پر دې لګول شوي وو، ثابت نه شول او په همدې خاطر یې خوشې کړه.»
سرچینې تایید کړه، چې د مېرمن احمدزاده پلار او د هغه کور خاوند چې دې هلته پټ کلپ مخ ته وړلو هم خوشي شوي دي.
د هرات په جبرییل ښارګوتي کې یوې بلې سرچینې د ښځو د تکواندو د دغه زورنکې مېرمنې د خوشي کېدو د پخلي تر څنګ رخشانې رسنۍ ته ویلي، چې هغه (روغ رمټه) کور ته ستنه شوې ده.
په هرات ښار کې د شیعه علماوو شورا یوه غړي هم د دې ورزشي روزونکې خوشي کېدل تایید کړل او ویې ویل، هغه «د محکمې د حکم پر بنسټ» خوشې شوې ده.
د هېواد د تکواندو ملي لوبډلې غړې او د دې څانګې روزونکې خدیجه احمدزاده، د مرغومي په ۲۰ مه نېټه، د هرات په جبریل ښارګوتي کې د یوه پټ ورزشي لوبغالي د طالبانو د امربالمعروف ځواکونو له خوا نیول شوې وه.
د لوبو د دې ښځینه روزونکې نیونې، په خواله رسنیو ګڼ غبرګونونه له ځانه سره درلودل. معرضو مېرمنو، د بشري حقونو فعالانو او د لوبو پېژندل شویو او مشهور څېرو د طالبانو له بنده دې د هغې د ژر تر ژره خوشي کېدو غوښتنه کړې وه.
