په جلاوطنۍ کې د آزادګان اعتراضي غورځنګ غړي وايي، د افغان ښځو پر ضد د طالبانو د محدودیتونو په وړاندې چوپتیا بې عدالتي ده.
رخشانه: د دې اعتراضي غورځنګ غړو تېره ورځ (پنشنبې د سلواغې ۲ مه) د یوه اعترضي نندارتون په جوړولو سره، د خلکو په ځانګړې توګه د افغان ښځو پر وړاندې د طالبانو د محدودیتونو، سیاستونو او ځپنو په اړه خبر اعتراضي غږ پورته کړ.
دغه نندارتون د نړیوالو بنسټونو او نړیوالې ټولې د پوهاوي ورکولو، عدالت غوښتې او پاملرنې په پار جوړ شوی وو او په هغه کې، انځورونه، لیکنې، سمبولیک آٍثار او انځوریز اسناد نندارې ته وړاندې شول، چې په افغانستان کې د اوسني تریخه او اندېښمنوونکو بشري حقونو د وضعیت څرګندوی دي.
په جلا وطنۍ کې د آزادګان اعتراضي غورځنګ غړو ویلي، د دې اثارو اصلي تمرکز د ښځو په وړاندې د پراخو محدودیتونو، د زده کړو، کار، فردي او ټولینزو خپلواکیو د حق او همدارنګه د مدني معترضانو د غږ ځپلو باندې وو.
د دې نندارتون جوړونکو ټینګار وکړ، چې د طالبانو په واکمنۍ کې د افغانستان خلک او ښځې، د تبیعض، ټولینز حذف او اساسي حقونو له سخت نقض سره مخ دي او د دې وضعیت په وړاندې چوپتیا، د ظلم او بې عدالتۍ د عادي کولو په مانا ده.
په جلا وطنۍ کې د آزاده ګان اعتراضي غورځنګ غړو دغه اعتراضي نندارتون په جوړېدو سره، په افغانستان کې د انساني بحران او بشري حقونو په اړه د نړیوالې ټولنې، بشري حقونو د بنسټونو او دولتونو د جدي پاملرنې غوښتنه کړې ده.
