ننګرهار کې سیمه ییزې سرچینې وايي، څلور تنه ماشومان د دې ولایت په کامې ولسوالۍ کې د کونړ سیند ډوب کړي او ژوند یې بایللی دی.
رخشانه: دوه سیمه ییزه سرچینو د هویت پټ ساتلو سره ویلي، دغه پېښه (شنبې د سلواغې ۴ مه) له ماسپښین وروسته شاوخوا څلور بجې د کامې ولسوالۍ اړوند کامې پله کې رامنځ ته شوې ده.
د سرچینو په وینا، دا ماشومان له خپلو کورنیو سره چکر لپاره تللی، چې هملته د کونړ سیند په څپانده اوبو کې ډوب شول.
سرچینو زیاته کړې، له دې ماشومانو د دو تنو جسدونه نن موندل شوي او د دو تنو لا هم ورک دي.
یوې سرچینې ویلي، له اوبو را ایستل شوي دوه ماشومان ۶ او ۸ کلن هلکان دي او دوه تنه نجونو جسدونه چې ۱۲ او ۸ کلنې وې، لا هم نه دي موندل شوې.
د سرچینې په خبره، دغه پېښه د دې ماشومانو د کورنیو د بې غورۍ له امله رامنځ ته شوې ده.
تر اوسه ننګرهار کې سیمه ییزه سرچینو په دې اړه څه نه دي ویلي.
