د طالبانو د محکمو جزايي اصول نامې ته د غبرګونو په ترڅ کې د افغانستان د چارو لپاره د برېتانیا ځانګړی استازی ریچارد لیندسي ویلي، طالبانو داسې قوانین وضع کړي، چې د ښځو، لږکیو او هغه کسانو پر ضد دي، چې له تپل شویو نورمونو سرغړونه کوي.
رخشانه: هغه تېره ورځ (جمعه د سلواغې ۱۰ مه) په خپله اېکس پاڼه د یوه پوسټ په خپرولو سره لیکلي «یو عادلانه او سولییز افغانستان د هېواد د ټولو وګړو حقونو ته د درناوي غوښتوونکی دی.»
لیندسي د طالبانو د محکمو د جزايي اصول نامې توشېح ته په اشارې وايي، دا اصول نامه «د دې موضوع پرعکس تاییدوی، چې طالبانو داسې قوانین وضع کړي، چې د ښځو، لږکیو او هغه کسانو پر ضد تبعیض کوي، چې له تپل شویو نورمونو سرغړونه کوي.»
د طالبانو د محاکمو جزايي اصول نامه تازه د دې ډلې د مشر هبت الله اخوندزاده له خوا توشېح شوې ده. په دې سند کې، د مذهبي لږکیو په وړاندې تبعیض او د ټولنې د وګړو د بنسټیزو خپلواکیو، له هغې جملې، انساني کرامت، د بیان د آزادۍ او فکر ماتونه، خپل سرې نیونې او سزاوې رسمي او قانوني شوې دي.
په دې قانون کې د حنفي مذهب لارویان مسلمان او د «اهل سنت او جماعت» سره نور د ټولو مذهبونو او بېلا بېلو باورونو لارویان «مبتدع یا بدعت کوونکي» بلل شوي دي.
د طالبانو د محکمو د جزايي اصول نامې د منځپانګې توشېح او غیر رسمي خپرېدو د بشري حقونو بنسټونو او نړیوال بنسټونو تر منځ پراخ غبرګونونه راپارولي دي. د بشري حقونو فعالانو دا قانون د نړیوالو کړنلارو او اصولو خلاف بللی ویلي یې دي، طالبان د دې قانون په توشېح کولو سره خپل جرمونو ته د مشروعیت ورکولو په لټه کې دي.
د اروپا د پارلمان غړې هانا نویمان د طالبانو د جزايي محکمو د اصول نامې د توشېح په غبرګون کې ویلي، «دا د ښځو او نجونو سره جنستي توپیر او بالفعل غلامي قانوني کوي.»
هغې په خپله اېکس پاڼه د یوه پوسټ په خپرولو سره د طالبانو د محکمو جزايي اصول نامې توشېح ته نغوته کړې او لیکلي یې دي «د جنایاتو په تړاو د طالبانو ځواب وینه شا ته غورځول شوې ده.»
د افغانستان د بشري حقونو د چارو لپاره د ملګرو ملتونو ځانګړي استازي ریچارد بنټ هم د دې قانون د توشېح په غبرګون کې ویلي، د طالبانو د محکمو جزايي اصول د افغانستان د خلکو لپاره اندېښنې راپورته کړې دي.
