د ملګرو ملتونو د ښځو څانګې (UN Women) اعلان کړی، چې نړۍ کې هر کال له ۲ میلیونه زیاتې نجونې له ښځینه سنتۍ سره مخ کېږي.
رخشانه: دې بنسټ پرون جمعه د (سلواغې ۱۷ مه) د «ښځو له سنتۍ په وړاندې د مبارزې» نړیوالې ورځې سره سم، په اېکس پاڼه لیکلي «ډېری نجونې له ۵ کلنۍ وړاندې او کله هم له زېږېدو څو وروځې وروسته» سنت کېږي.
د ملګرو ملتونو سرمشني آنتونیو ګوترش هم په خپله اېکس پاڼه د یوه پوسټ په لیکلو سره، په نړۍ کې له ۲۳۰ میلیونه ډېرې نجونې او ښځې، ښځینه ستني تجربه کړې ده.
هغه د ښځو سنتول د جنسیت پر بنسټ ولاړ وحشیانه تاوتریخوالي ډول وباله، چې په جنسیتي نابرابرۍ او مضرو فکرونو کې ځای لري.
هغه پر دوام لیکلي چې «نن ورځ په نړۍ کې ۴.۵ میلیونه نجونې په خطر کې دي او باید په بېړنۍ توګه د دې حالت د بدلون لپاره د جنسیتي برابرۍ او ټولینزو خوځښتونو لپاره پانګونه وشي.
د ملګرو ملتونو د سرمشني مرستالې آمنه محمد هم په خپله اېکس پاڼه د یوه پوسټ په خپرولو سره لیکلي، د ښځو د ستنۍ په وړاندې د مبارزې لپاره هڅې باید دوه برابره شي.
نوموړې لیکلي «موږ په ۲۰۱۵ کال کې هدف ټاکلی، چې ۲۰۳۰ میلادي کال به د ځو د سنتولو د پای کال وي.»
هغه له دولتونو، مدني ټولنې او نړیوالو ټولنو د همکارۍ غوښتنه کړې «تر څو داسې نړۍ جوړه کړي، چې په هغې کې هره ښځه، د ښځو له سنتۍ پرته، ژوند وکړي.»
د ملګرو ملتونو د بشري مرستو د همغږۍ دفتر (UNFPA) هم په خپله اېکس پاڼه د یوې اعلامیې په خپرولو سره لیکلي، د ښځو سنتول (FGM) هېڅ ګټه نه لري او د هغوی د روغتیا لپاره جدي ګواښونه له ځان سره لري.
دغه بنسټ پر دوام لیکلي، «د ښځو د سنتولو اغېز له منځه نه ځي» او هېڅ نجلۍ نه باید روحي زیان او سنتولو (FGM) ټول عمر ګواوښونه ونه زغمي.
د ملګرو ملتونو د بشري مرستیو د همغږۍ دفتر د ښځو د سنتولو د جمسي، رواني او اقتصادي زیانونو اړوند خبرداری ورکړی او لیکلي یې دي، دا عمل کېدای شي له ماشوم توبه د امیندوارۍ او زړښت تر وخته دوام پیدا کړي.
دې بنسټ د ښځو د سنتولو د پای ټکي اېښودلو لپاره، د دولتونو، مدني ټولنې، سیمه ییزه ټولنو، خیریه بنسټونو او نړیوالې ټولنو ګټور ګډون باندې ټینګار کړی دی.
