کاپیسا کې سیمه ییز چارواکي وايي، د دې ولایت مرکز محمودراقي ښار کې د یوه کور د چت لوېدو پېښه کې څلورو تنو ژوند له لاسه ورکړی او شپږ تنه نور ټپيان شوي دي.
رخشانه: کاپیسا کې د طالبانو د امنیه قوماندانۍ ویاند عبدالفتاح فایز ځايي رسنیو ته ویلي، دغه پېښه د جمعې په شپه د (سلواغې ۲۴ مه) د محمودراقي ښار د «شوخي» په سیمه کې رامنځ ته شوې ده.
هغه ویلي، پېښه هغه مهال رامنځ ته شوې، چې لومړی غر د استوګنې په یوه کور راښوویدلی او هغه یې ړنګ کړی دی.
د دې طبیعي پېښې په ترڅ کې څلورو تنو ژوند بایللی او د ښځو او ماشومانو په ګډون شپږ تنه نور ټپیان شوي دي.
د مړو شویو کسانو د هویت او جنسیت په اړه جزیات په لاس کې نشته.
د پېښې ټپیان د درملنې لپاره روغتون ته لېږدول شوي، خو د روغتیايي وضعیت په اړه یې جزیات په لاس کې نشته.
