د طالبانو د محکمو لپاره د جزیايي اصول نامې توشېح ته د غبرګونونو پر دوام مشهورې ترکي لیکوالې الیف شافاک وايي، دا قانون په افغانستان کې د ښځو وژنې ته لار هواروي.
رخشانه: شافاک تازه په خپله انسټاګرام پاڼه د طالبانو د محکومو د جزايي اصول نامې پر توشېح اندېښنه څرګندنه کړې لیکلی یې دي، دا سند ښځې د غلامانو په لیکه کې راولي.
د ملت عشق ناول لیکوالې زیاته کړې، د طالبانو د محکمو جزايي اصول نامه «د لوړ پوړو او ټیټ پورړ افرادو طبقاتي نظام رامنځ ته کوي، ښځې د غلام کچې ته ټيټوي او مېړونه یې د غلامانو خاوندان جوړوي.»
د هغې په وینا، د دې سند توشېح «پایلې به د ښځو، ماشومانو او بېوزله پاړکیو لپاره پراخه ناوړه پایلې لري. دا قانون د ځپلو بېلا بېل ډولونه، لکه کورنۍ تاوتریخوالی، جنسیتي تاوتریخوالی او ان د ښځو د وژنې لپاره د لار برابرېدل تاییدوي.»
د «ملت عشق» ناول مشهوره لیکواله د نړۍ یو له ګوتو په شمار مشهورو څېړو څخه ده، چې د ۲۰۲۱ کال په اګست کې د طالبانو د بیا ځلي واکمنېدو سره یې په وار وار د افغان ښځو او نجونو د وضعیت په اړه څرګندونې کړې او له هغوی یې ملاتړ کړی دی.
د طالبانو د محکمو جزايي اصول نامه تېره میاشت په غیر رسمي ډول د دې ډلې د مشر ملا هبت الله اخوندزاده له خوا لاسلیک او خپره شوه.
د دې سند غیر رسمي توشېح او خپرېدو د بشري حقونو د بنسټونو او نړیوالې ټولنې تر منځ پراخ غبرګونونه راپارولي دي.
د بشري حقونو فعالانو دا قانون د نړیوالو اصولو او کړنلارو خلاف بللی ویلي یې دي، طالبان د دې قانون په توشېح سره خپلو جرایمو ته د مشروعیت ورکولو په لټه کې دي.
