طالبانو روانې اوونۍ اوږدو کې په کابل، غور، پروان، بلخ او فاریاب ولایتونو کې د دریو ښځو په ګډون ۱۴ تنه د بېلابېلو جرمونو په تور د خلکو په وړاندې په دورو وهلي دي.
رخشانه: دغه کسان له واده بهر د جنسي اړیکې، جعل کارۍ، لواطت، قماروهلو او الکولي موادو د تولید او پلور په تور په دغه پنځو ولایتونو کې په دورو وهلي دي.
چهارشنبې د (سلواغې ۲۹ مه) د دریو ښځو په ګډون ۱۲ تنه د نامشروع او له دواړه بهر جنسي اړیکې، قماروهلو، محبت د دلالۍ او الکولي موادو د تولید او پلور په تور په کابل، غور، پرون او بلخ ولایتونو کې په دورو وهلي دي.
پنځه تنه د قمار وهلو او لواطت په دور د کابل په چهارآسیاب ولسوالۍ کې د خلکو په وړاندې له ۱۵ تر ۲۹ دورو وهلي دي.
دغه کسان د محکمې د پرېکړې پر اساس له پنځو تر شپږو میاشتو تنفذي بند هم محکوم شوي دي.
د یوې ښځې په ګډون دوه تنه له واده بهر د جنسي اړیکې په تور په غور ولایت کې د خلکو په وړاندې ۳۹ دورې وهل شوي دي.
معلومه نه ده، چې دې کسانو ته څومره موده بند سزا اورول شوې ده.
د یوې ښځې په ګډون دوه تنه د نامشروع اړیکې په تور د پروان ولایت شیخ علي ولسوالۍ کې د خلکو په وړاندې ۳۹ دورې وهل شوي او له یوه تر دوه کلونو په تنفذي بند هم محکوم شوي دي.
د یوې ښځې په ګډون درې تنه د محبت دلالۍ او الکولي موادو د تولید او پلور په تور په بلخ ولایت کې ۳۹ دورې وهل شوي دي.
معلومه نه ده، چې دا کسان په څومره تنفذي بند محکوم شوي دي.
پنشنبې د (سلواغې ۳۰ مه) دوه تنه د لواطت په تور د فاریاب ولایت ګرزیوان ولسوالۍ کې د خلکو په وړاندې ۲۵ دورې و وهل شول او په یوه کال تنفذي بند محکوم شوي دي.
