د ملګرو ملتونو علمي، کلتوري او ښوونیز سازمان (یونسکو) اعلان کړی، چې ژبنۍ تنوع په زیاتېدونکې توګه [په نړۍ کې] د ګواښ سره مخ ده، ځکه هره ورځ ډېرې ژبې له منځه ځي.
رخشانه: دې بنسټ نن (شنبې د کب ۲ مه) د مور نړیوالې ورځې په مناسبت په خپله اېکس پاڼه لیکلي، د نړۍ ۴۰سلنه وګړي مورنۍ ژبې یا هغې ژبې ته چې پرې پوهېږي، لاسرسی نه لري.
یونسکو پر دوام لیکلي، په ټوله نړۍ کې د څو ژبو زده کړو په برخه کې پرمختګ شوی دی او په عامه ژوند کې د هغې د پراختیا لپاره زیاته ژمنه شوې ده.
په افغانستان کې طالبان په «فارسي ځپنې» تورن دي. په تېرو څلورو کلونو کې په پښتو ژبه د لیکونو لیکولو سربېره، دې ډلې له دولتي او خصوصي پوهنتونونو له لیک دړو د دانشګاه کلمې لرې کړې او پر ځای یې په فارسي او پښتو کې د پوهنتون کلیمې ځای پر ځای کړې دي.
یونسکو ویلي، دوی د دوامداره ټولنو لپاره د کلتوري او ژبنۍ تنوع په اهمیت باور لري او دا چې د سولې لپاره د خپل ماموریت د یوې برخې په توګه دا سازمان د کلتوري او ژبني توپیرونو ساتلو لپاره کار کوي چې زغم او متقابل درناوی هڅوي.
څو ژبنۍ او څو کلتوري ټولنې د دوی د ژبو له خوا رامنځ ته کېږي، کوم چې دودیزه پوه او کلتورنه په دوامداره توګه لېږدوي او ساتي.
یونسکو د «ژبو د لېږد» برخه کې د پانګونې غوښتنه وکړه او وايي، «ژبنۍ تنوع د سولې، عزت او شمولیت ستنه ده او هېڅ غږ باید زموږ د انسانیت له کیسې څخه حذف نه شي.»
