د ملګرو ملتونو د عمومي اسامبلې مشرې آنالنا بربوک د ملګرو ملتونو د بشري حقونو شورا په ۶۱ مه غونډه کې د طالبانو له خوا د ښځو او نجونو د حقونو د سرغړونو په وړاندې زغم د پالیسۍ په پار خبرداری ورکړ.
رخشانه: مېرمن بربوک نن (دوشنبې د کب ۴ مه) خپله وینا په افغانستان کې د ښځو په وړاندې د طالبانو د محدودیتونو په سختو غندلو سره پیل کړه.
هغې و ویل: «زه غواړم خبرې مې لږ څه بل ډول پیل کړم، په ځانګړې توګه د بشري حقونو د تر ټولوبدو جوړښتي سرغړونو په اړه د خبرونو وروستیو سرټکو ته په پام چې ځینې یې د افغان ښځو او نجونو په وړاندې د جنسیتي توپیر سیستم بولي.»
هغې زیاته کړې، چې د بشري مرستو د وېش مساله او له هغې ملات تل د ملګرو ملتونو د چارواکو تر منځ د شورا سخت بحث او پرېکړه وي، په داسې حال کې، چې ښځې نور د کار اجازه نه لري او نور نه شي کولی د ملګرو ملتونو لپاره کار وکړي او نورې نجونې هم ښوونځیو ته د تګ اجازه نه لري.
مېرمن بربوک په دې خبرو چې ګواکي د کندهار (طالبان) متفاوت دي او ښايي د کابل معتدل وي هم نیوکه وکړه ویې ویل د بشري حقونو د معیارونو راټیټول هېڅ وخت پایلې ته نه رسېږي.
هغې زیاته کړه، نه باید دا تریخ درس بیا زده کړو، چې د ښځوحقونو د یوې ټولنې یا ان د نړۍ د وضعیت د سنجولو معیار دی.
مېرمن بربوک وايي، که چېرې مېرمن د نړۍ د نیم نفوس یعنې څلور میلیارد انسانان په امنیت کې نه وي، هېڅوک به په امنیت کې نه وي.
نوموړې د بشري او ښځو د حقونو په برخه کې سخت شاه تګ ته په اشارې سره د ملګرو ملتونو له غړو د اقدام غوښتنه وکړه.
دا په داسې حال کې ده، چې طالبانو په نېږدې پنځو کلونو کې پر افغان ښځو او نجونو تر ټولو سخت محدودیتونه لګولي، چې د بشري حقونو د نړیوالې اعلامیې نېږدې ټولې مادې یې ماتې کړې دي.
