دایکنډي کې سیمه ییزه سرچینې وايي، د دې ولایت سنګ تخت او بندر ولسوالۍ کې، یوه ځوانه ښځه په مرموز ډول وژل شوې ده.
رخشانه: سنګ تختګ او بندر ولسوالۍ کې لږ تر لږه دوه سیمه ییزه سرچینو ویلي، دغه ځوانه ښځه تېره چهارشنبې د (کب ۶ مه) د دې ولسوالۍ په «سلبیتو» سیمه کې وژل شوې ده.
د سرچینو په وینا، دغه ځوانه ښځه کبرا نومېده او کابو ۱۶عمر یې درلود.
یوې سرچینې د هویت پټ ساتلو سره ویلي، دې ځوانې ښځې شاوخوا دوه کاله وړاندې واده کړی وو.
د دې ښځې د قتل د څرنګوالي په اړه سرچینو څه نه دي ویلي.
یوې بلې سرچینې ویلي: «د مېړه کورنۍ یې ویل، چې هغه روغ رمټه وه او یو دم مړه شوه.»
د سرچینې په وینا، ښايي دا ځوانه ښځه د خاوند د کورنۍ د غړو څخه د یوه له خوا وژل شوې وي.
سرچینې زیاته کړې، طالبانو د دې ښځې خاوند او د هغه پلار د لا زیاتو پلټنو لپاره د دایکندي مرکز نیلي ښار ته وړي دي.
تر اوسه دایکنډي کې ځايي طالب چارواکو په دې اړه څه نه دي ویلي.
د طالبانو واک ته له بیا رسېدو وروسته په هېواد کې مرموزې وژنې او جنايي پېښې په بې مخینې توګه زیاتې شوې دي.
