په افغانستان کې د ملګرو ملتونو د ښځې څانګې (UN Women)له طالبانو وغوښتل، چې په افغانستان کې د دې سازمان دفترونو ته د ښځینه کارکوونکو د ورتګ لګول شوي محدودیتونه لغوه کړي.
رخشانه: دې سازمان نن (شنبې د کب ۱۶مه) د ښځیو د پیوستون نړیوالې ورځې په درشل کې په خپله اېکس پاڼه د یوې بیانیې په خپرولو سره لیکلي، شپږ میاشتې کېږي، چې په افغانستان کې د ملګرو ملتونو دفترونو ته د ښځو په ورتګ بندیز لګېدلی دی.
په افغانستان کې د ملګرو ملتونو د سازمان د ښځو څانګې استازې سوزان فرګوس وايي، دا مممنوعیت د ملګرو ملتونو په ۸۰ کلن تاریخ کې بې ساری وو.
هغې په افغانستان کې له اړمونو سره د مرستو رسولو برخه کې د ښځو رول ته اشاره وکړه ویې ویل، ملګري ملتونه او شریکان یې د ښځو له حضور پرته نه شي کولی په خوندي توګه افغان مېرمنو او نجونو ته لاسرسی پیدا کړي.
مېرمن فرګوسن زیاته کړې، چې د مرستې په پروسه کې د ښځینه کارکوونکو شتون، «له کلتوري پلوه وړ او د ښځو اړتیاوو ته ځواب ویوونکی دی او د ښخو مرستې باید د ښځو له خوا چمتو شي.»
د ملګرو ملتونو د ښځو څانې د مارچ اتمې، ښځو د پیوستون نړیوالې ته په اشارې و ویل، چې د افغان ښځو د دفاع لپاره به د هغوی تر څنګ ودرېږي.
طالبانو شپږ میاشتې وړاندې د ملګرو ملتونو ښځینه کارکوونکې په دې سازمان پورې تړلو بنسټونو ته ورتګ څخه منع کړې.
د دې محدودیتونو په ترڅ کې په افغانستان کې د ملګرو ملتونو اړوند ځینې عملیاتي برخې وځنډول شوې.
که څه هم د ملګرو ملتونو دفترونو ښځینه کاروونکو په ورتګ د بندیز لرې کولو غوښتنه په وار وار شوې، خو طالبانو تر اوسه دا محدودیت نه دی لغوه کړی.
