د مارچ د اتمې چې د ښځو د پیوستون نړیواله ورځ ده، د افغانستان د چارو لپاره د استرالیا لنډمهالي پلاوی او د اروپايي ټولنې دفتر د افغان ښځو او نجونو په ملاتړ ټینګار کړی دی.
رخشانه: د افغانستان د چارو لپاره د استرالیا لنډمهالې استازولۍ نن (یکشنبې د کب ۱۷ مه) په خپله اېکس پاڼه د یوه پوسټ په خپرولو سره لیکلي، د استرالیا د افغان ښځو او نجونو د ملاتړ په پار د هغوی تر څنګ درېږي.
دې پلاوي لیکلي: «د ښځو د پیوستون په نړیواله ورځ، استرالیا د افغان ښځو او نجونو په ملاتړ، په ځانګړې توګه د هغو ترڅنګ چې په سختو شرایطو کې خپلو ټولنو ته خدمت کوي تر څنګ درېږي.»
د افغانستان د چارو لپاره د استرالیا لنډمهاله پلاوي ویلي، د افغانستان د راتلونکې لپاره، د ښځو بشپړ او مانا لرونکی کډون او خوندیتوب اړین او نه انکارېدونکی دی.
په افغانستان کې د اروپايي ټولنې دفتر هم په خپله اېکس پاڼه د یوه پوسټ په خپرولو سره ویلي چې «د افغان ښځو او نجونو د ځواک، انعطاف او کرامت» درناوی کوي.
دې ټولنې د لویو ستونزو په وړاندې د افغان ښځو او نجونو مېړانه د نړۍ لپاره الهام بښوونکې بللې.
اروپايي ټولنې، د افغان ښځو او نجونو د کرامت، انعطاف او ګډون ملاتړ ته ژمنتیا ښودلې ده.
