د افغانستان د بشري حقونو لپاره د ملګرو ملتونو ځانګړي راپور ورکوونکي ویلي، د طالبانو محدودیتونه کولی شي په کړاو، ناروغیو، د مخنیوي وړ مرګونو او ښځو په وژنې تمام شيږ
رخشانه: بنټ نن (دوشنبې د کب ۱۸ مه) په یوه ویډیو کې ویلي، اوسنۍ افغانستان له ژور ناورین سره مخ دی، ځکه ښځې او نجونې روغتیايي خدماتو او زده کړو ته له لاسرسي محرومې دي.
هغه پر دوام د طالبانو د محدودیتونو په تړاو خبرداری ورکړی وايي: «د طالبانو سیاستونه به په کړاو، ناروغیو او مخنیوي وړ مرګونو او ان کولی شي د ښځو په وژنو تمام شي.»
بنټ د طالبانو د محدودیتونو د لغوه کولو غوښتنه کړې کړې وايي، دغه ډله دې ښځو ته د زده کړو او تحصیل په ځانګړې توګه د طب په برخه کې د زده کړو اجازه ورکړي.
د افغانستان لپاره د بشري حقونو لپاره د ملګرو ملتونو ځانګړي راپور ورکوونکي ویلي «د حقونو له حقونو انکار نه یوازې هغوي ګواښي، بلکې د هېواد روغتیايي سیستم هم له خطر سره مخ کوي.»
هغه څه موده وړاندې په خپل راپور کې «په افغانستان کې روغتیايي خدماتو ته د ښخو او نجونو لاسرسي» په عنوان ویلي وو، د ښځو په وړاندې د طالبانو روغتیايي محدودیتونه د «امیندوارۍ په وړاندې سیستماتیک تاوتریخوالي» بېلګه ده، چې د ښځو د امیندوارۍ خپلواکي په نښه کوي.
بنټ په خپل راپور کې لیکلي وو، د ښځو په وړاندې د طالبانو روغتیايي محدودیتونه، د میندو د مخینوي وړ مړینې، تل پاتې زیانونو، رواني زیانونو او د ماشومانو په روتیا او پایښت باندې د نسلونو تر منځ اغېز ښیندي.
