فراه کې د طالبانو امنیه قومانداني وايي، د دې ولایت ګلستان ولسوالۍ کې یوه ښځه د خپل مېړه له خوا وژل شوې ده.
رخشانه: دغه ښځه د دوشنبې په ورځ د (کب ۱۸ مه) د خپل مېړه له خوا د «کلاشینکوف» ټوپک په ډوزو وژل شوې ده.
د دې ښځې د وژنې د علت په اړه څه نه دي ویل شوي، خو دېری دغه ډول پېښې د کورني تاوتریخوالي له کبله رامنځ ته کېږي.
فراه کې د طالبانو امنیه قومانداني وايي، د دې ښخې خاوند یې د هغې د قتل په تور نیولی دی.
امنیه قوماندانۍ زیاته کړې، د دې پېښې د لا زیاتې روښانتیا لپاره څېړنې پیل شوې دي.
فراه د هېواد په لوېدیځ کې یو له هغه ولایتونو دی، چې له دې وړاندې هم په کې ورته زرګونه ځله پېښې وې.
لس ورځې وړاندې هم د دې ولایت په مرکز کې یوه سړي خپله مور او ورور د ټوپک په ډزو وژلي او د کورنۍ دوه نور غړي یې ټپیان کړي وو.
واک ته د طالبانو له بیا رسېدو وروسته، مرموزې وژنې، ځان وژنې، د کورنیو د غړو له خوا د ښځو او نجونو وژل او جنايي پېښې په هېواد کې زیاتوالی موندلی دی.
