د ملګرو ملتونو د بشري مېشتېدنې پروګرام (UN-Habitat) وايي، افغانستان کې ښځې تر نورو ډېرو د بې ځایه کېدو او اقلیمي بدلونونو څخه زیان ویني.
رخشانه: دې بنسټ نن (دوشنبې د کب ۲۵ مه) په یوه راپور کې لیکلي، له ۲۰۲۳ میلادي کال راهیسې تر نن پوې له ۶۰۰ زه تر یو ملیون پورې وګړي، په جبري توګه له ګاونډیو هېوادونو افغانستان ته راستانه شوي دي.
په دې راپور کې راغلي، ډېری وګړي، چې په جبري توګه له ګاونډیو هېوادونو افغانستان ته اړول شوي په غیر رسمي مېشت ځایونو کې ژوند کوي.
راپور وايي، ښځې په دې مېشت ځایونو کې د اقلیمي بدلونو د رامنځ ته کېدو، لکه سېلابونه، وچکالۍ او له هغو خپرو شویو ناروغیو پر مهال ډېر فشار زغمي.
د ملګرو ملتونو د بشري مېشتېدنې پروګرام وايي، د اقلیمي بدلونونو وخت کې ښځې له زیاتو ګواښونو له هغې، جملې د اوبو راوړلو لپاره د اوږدو لارو وهلو پر مهال له ځورولو او تاوتریخوالي سره مخ کېږي.
د راپور پر بنسټ، د استوګنې، ځمکې، ملکیت حقونو نه خوندیتوب او د استوګنې له ځایونو د ایستلو دوامداره ګواښونه، په غیر رسمي مېشت ځایونو کې د ښځو لپاره ژوند ډېر ستونزمن کړی دي.
دې بنسټ زیاته کړې، استوګنځای او ځمکې ته لاسرسی د کورنیو بې ځایه شویو او له ګاونډیو هېوادونو راستنېدونکو ته تر ټولو بنسټیزه اړتیا ده او د ښځو او نجونو د بیا ادغام، ساتنې، ټولنیز او اقتصادي پراختیا د ښه کولو لپاره خوندي کورونه او ځمکې درلودل مهم دي.
