د بښنې نړیوال سازمان افغانستان کې نوي ښوونیز کال پیل ته په اشارې، د شپږم ټولګي بره نجونو پر مخ د ښوونځیو د دروازو پرانستو او د بشري حقونو د سرغړونو پای ته رسولو غوښتنه کړې ده.
رخشانه: دې بنسټ پرون (جمعه د وري ۷ مه) په اېکس پاڼه د یوې اعلامیې په خپرولو سره لیکلي، له څلورو کلونو زیاته موده کېږي، چې افغان نجونې له زده کړې او تحصیل محرومې دي.
اعلامیه کې راغلي، طالبان باید د تبعیض سیاستونه پای ته ورسوي او نجونو ته دې اجازه ورکړي، چې ښوونځیو ته بېرته لاړې شي.
د بښنې نړیوال سازمان وايي، د ۲۰۲۱ اګست کې د طالبانو په بیا راتګ سره د هېواد په ګوټ ګوټ کې له بشري حقونو سرغړونې کېږي.
دې بنسټ لیکلي: «افغانستان همداسې د بشري حقونو د سرغړونو مرکز پاتی شوی، ښځې د ژوند له ټولو برخو محرومې دي، ناوړه ګټې اخیستنې، لکه ربړونې او ناوړه چلند، خپل سرې نیونې، جبري ورکول، سانسور او نور موارد، په بشپړ خوندیتوب سره دوام لري.»
د بښنې نړیوال سازمان ټینګار کړي، [افغانستان کې] د بندي سزاو په راګرځېدو او د خپلواکه قضایه قوې نشتوالي ستونزي ډېرې کړې او قربانیان عدالت ته له هر ډول لاسرسي پرته پرېښودل کېږي.
د بشري حقونو مدافع تارینا ودود ویلي: «زما لپاره د حیرانتیا وړ ده، نړیواله ټولنه څه ډول لا هم انتظار لري، چې طالبان به بشري حقونو ته درناوی وکړي.»
د بښنې نړیوال سازمان زیاته کړې، په داسې حال کې، چې د افغانستان خلک لا هم ناپای خوب کې دي، نړیوالې ټولنې هېڅ مانا لرونګی ګام نه دی پورته کړی.
دغه بنسټ ویلي «ستوغې خبرې دا ځپنې [ او محدودیتونه] نه شي بندولی، پرېکړې ګامونه به دا کار کوي. دولتونه او نړیواله ټولنه باید افغانستان کې د ځپنې دې ارټ ته د پای اېښودلو لپاره ګامونه پورته کړي.»
