ملګرو ملتونو وايي، افغانستان کې د بشري حقونو بحران دوام لري او نجونې او ښځې لاهم د طالبانو د محدودیتونه له امله، له عامه ژونده ایستل کېږي.
رخشانه: دغه سازمان پرون (دوشنبې د وري۱۰مه) په یوه اعلامیه کې لیکلي، له شپږم ټولګي بره نجونې ښوونځي ته له تګه محرومې دي.
ملګرو ملتونو ویلي، د بشري حقونو د دفتر پر اساس چې تېر میلادي کال اګست میاشت کې خپور شوی، راغلي، چې د طبي څانګو د فراغت ازموینې د دویم پرلپسې کال لپاره په نومبر میاشت کې د ښځو له شتون پرته تر سره شوې دي.
راپور کې راوړل شوي، هغه ښځې چې د طالبانو د خوښې وړ حجاب نه مراعت کوي، د لېږد رالېږد عمومي وسایلو، بازارونو او عمومي خدماتونو ته له لاسرسي محرومېږي.
د راپور له مخې، طالبانو همدارنګه د ملګرو ملتونو دفترونو او دې سازمان بنسټونو ته په ټول هېواد کې د ښځینه کارکوونکو په ورتګ بندیز لګولی دی.
ملګرو ملتونو ویلي، د ښځو له لوري لیکل شوي کتابونه، په یو شمېر ولایتونو کې له کتاب پلورنځیو او کتابتونونو، له هغې جمهې د پوهنتونو له کتابتونونو، پرته له دې، چې منځپانګه او یا د لیکوال ملیت یې وکتل شي، راټول کړای شوي دي.
د ملګرو ملتونو د بشري حقونو رییس ولکر تورک ویلي دي: «طالبانو په قصدي ډول په عمومي ژوندنه کې د ښځو او نجونو شتون جرم ګرځولی. هېواد د ښځو له شتون پرته پرمختګ نه شي کولي.»
همدارنګه ملګري ملتونه وايي، طالبانو د ۲۰۲۱ له اګست راهیسې لږ تر لږه ۱۲ تنه په عام محضر کې اعدام کړي او دغه راز بدني سزواې په اونیزه توګه د خلکو په وړاندې عملي کوي. دې بنسټ د افرادو په دورو وهل او اعدام د ژوند د حق سرغړونه بللې ده.
د دې بنسټ د راپور پر اساس، خبریالان او رسنیز کارکوونکي «د هغوی پر تولیدونکو منځپانګو د نامتناسبه محدودیتونو له امله» له خپل سرو نیونو او زنداني کېدو سره مخ دي.
