پکتیکا کې د طالبانو امنیه قومانداني وايي، د دې ولایت زرغون ښار ولسوالۍ کې یې درې ښځې د غلا په تور نیولې دي.
رخشانه: دا درې ښخې له پنځو نورو نارینه وو سره یو ځای یکشنبې د (وري ۹مه) د پکتیکا ولایت د رزغون ښار ولسوالۍ په بازار کې نیول شوې دي.
پکتیکا کې د طالبانو امنیه قوماندانۍ په یوه خبرپاڼه کې لیکلي، دا ښځې د ښځینه جامو له یوه پلورنځي د توکو تر غلا کولو وروسته نیول شوې دي.
خبرپاڼې راوړي، دا ښځې د خوست ولایت اوسېدونکې دي، چې ۵۸ عدده ټکري، ۲۹ جوړې کمېسیونه او دوه جوړې ځپلۍ پټې کړې وې.
پکتیکا کې د طالبانو امنیه قومانداني وايي، دې ښځو په خپل «جرم» اعتراف کړی دی.
طالبانو ویلي، د دې ښځو دوسیې تر لومړنۍ ارزونې وروسته، د دوی عدلي او قضايي بنسټونو ته سپارول شوې دي.
د طالبانو له لوري د غلا په تور د ښځو نیول په هېواد کې له نادره پېښو ګڼل کېږي.
