افغان لوبغاړې فرشه خاني د سوک وهنې څانګه کې، د پاکستان د سوک وهنې ملي لوبو اتله شوه.
رخشانه: دا لوبې تازه د یو شمېر لوبغاړو په ګډون د پاکستان په بېلابېلو ایالاتونو، د سند آیالت په حیدرآباد ښار کې تر سره شوې.
د پاکستان د سوک وهنې ملي لوبو کابو یوه اوونۍ دوام درلود او په کې له ۲۰ د زیاتو ایالتونو او سیمې لوبغاړو ګډون کړی وو.
فرشته خاني په خپله انسټاګرام پاڼه د خپلو څو انځورونو په خپرولو سره، په دې لوبو کې د سروزرو مډال تر لاسه کولو خبر ورکړی دی.
هغې د دې سیالیو د ۵۰ کلو وزن لوبو کې ګډون کړی وو او بریالۍ شوه، چې خپل ټول سیالان مات او د سروزرو مډال تر لاسه کړي.
دې لوبغاړې د اتلولۍ لپاره درې سیالانو ته ماته ورکړه او په پای کې د لومړي مقام په ترلاسه کولو سره د سروزرو مډال د ځان او افغانستان لپاره په غاړه کړ.
نوموړې د تېر کال په اوړي کې هم د څلورو پرلپسې بریاو سره د پاکستان د ګډو رزمي لوبو اتله شوې وه.
هغې د دې لوبو د ۴۷.۶ کیلو وزن کې ګډون کړي وو.
خاني د پاکستان په کویټه کې د فجر سوک وهنې اکاډمۍ کې د بسم الله ناصح، چې د هېواد یو له پېژندل شویو سوک وهونکو څخه دی، تر روزنې لاندې تمرینونه تر سره کوي.
طالبانو په ټولو برخو کې د ښځو ورزش بند کړی دی، د دې محدودیتونو په پایله کې د هېواد د ښځینه لوبغاړو ټولې لوبډلې منحل شوې دي.
