له «پولیو پاک افغانستان» پاڼې اعلان کړی، چې د افغانستان په ۳۱ ولایتونو کې د پولیو یا ماشومانو د ګوزڼ واکسین د پلي کېدو لړۍ پیل شوه.
رخشانه: دې پاڼې پرون ناوخته (دوشنبې د وري ۲۴ مه) په خپله اېکس پاڼه د یوې پوسټ په خپرولو سره د دې کمپاین د پیل خبر ورکړی دی.
له پولیو د پاک افغانستان پاڼې، ویلي دا کمپاین له دایکنډي، بامیان او غور پرته په نورو ټولو ولایتونو کې پیل شوی دی.
داکنډي او بامیانو ولایتونو کې د سړې هوا له امله د پولیو واکسین کمپاین ځنډول شوی او په غور ولایت کې یوه اوونۍ وروسته پیلېږي.
دې پاڼې له ټولو وګړو غوښتي، چې د «پولیو له ناروغۍ پاک افغانستان کې خپله ونډه تر سره کړي.»
افغانستان کې د ملګرو ملتونو د ماشومانو ملاتړي صندوق (یونیسف) هم په هېواد کې د پولیو کمپاین د پیل خبر ورکړی دی.
یونیسف ویلي، په دې درې ورځي کمپاین کې به افغانستان کې ۱۲.۶ میلیونه ماشومان وکسین تر لاسه کړي.
دا په ټول هېواد کې د نوي میلادي کال په پیل سره د پولیو واکسین لومړنۍ کمپایني لړۍ ده.
تر اوسه، په هېواد کې په پولیو د اخته ناروغۍ مثبته پېښه نه ده ثبت شوې.
تېر میلادي کال په ټول هېواد کې د پولیو لږ تر لږه ۹ مثبتې پېښې ثبت شوې وې. له دې ۳ پېښې په هلمند، ۲ پېښې په پکتیکا او ارزوګان، نورستان، بادغیس او فراه کې یوه یوه پېښه ثبت شوې وه.
