د بښنې نړیوال سازمان په یوه راپور کې وايي، برېتانیا کې د افغان وګړو پناه غوښتنې منل له ۹۶ سلنه و ۳۴ سلنې ته راټیټه شوې او یوازې په ۲۰۲۵ کال کې سلګونه ښځې له منل کېدو محرومې شوې دي.
د رخشانه: دې بنسټ پرون (چهارشنبې د وري ۲۶ مه» د افغان پناه غوښتونکو ښځو او نجونو د پناه غوښتنې د ردولو په اړه د برېتانیا حکومت د سیاستونو د درېدو غوښتنه وکړه.
د بښنې نړیوال سازمان په راپور کې راغلي، د هغو افغان مېرمنو شمېر، چې د برېتانیا له لوري د پناه غوستنې اجازه تر لاسه کوي، د کمېدو په حال کې دي.
دې بنسټ ویلي، برېتانیا کې د افغان وګړو د پناه غوښتنې منل له ۹۶ و ۳۴ سلنې ته راټیټ شوي او یوازې په ۲۰۲۵ کې سلګونه افغان مېرمنې له پناه غوښتلو محرومې شوې دي.
د بېښنې نړیوال سازمان وايي، د طالبانو له راتګ وړاندې کلونو کې، برېتانیا کې د افغان وکړو منل کېدل له ۴۵ تر ۶۲ سلنې پورې و او یوازې په ۲۰۲۵ میلادي کال کې، د برېتانیا له خوا د ۳۷۰ افغان ښځو او نجونو پناه غوښتنه رد شوې ده.
راپور کې د طالبانو له لوري په افغان ښځو او نجونو پراخو محدویتونو ته په اشارې وايي، دوی په نړۍ کې یو له تر ټولو سخت جنسیت ځپوونکي نظام څخه په تېښته دي.
راپور خبرداری ورکړی، چې له پناه غوښتونکو په ځانګړې توګه له ښځو او نجونو د ملاتړ کمښت، د بشري حقونو او د «ښځو، سولې او امنیت» پرورګام په چوکاټ کې له ملګرو ملتونو سره د برېتانیا د ژمنو سره په ټکر کې دي.
دې بنسټ ټینګار کړي، چې د ۲۰۰۰ میلادي کال د اکتوبر ۳۱ مه، د ملګرو ملتونو امنیت شورا ۱۳۲۵ مه ګڼه پرېکړه لیک د «ښځو، سولې او امنیت (WPS)» تر عنوان لاندې د رایو په اتفاق تصویب کړ او برېتانیا له دغه پرېکړه لیک سره، یو له ژمنه کوونکو هېوادونو دی.
د بښنې نړیوال سازمان د راپور له مخې، د پناه غوښتونکو د کنوانسیون یا د «ښځو، سولې او امنیت» پرېکړه لیک له ژمنو سره خپلې ښمنې نه عملي کوي او دا کار د «ښځو، سولې او امنیت» له پرېکړه لیک سره د برېتانیا د ژمنو خیانت ګڼل کېږي.»
یاد سازمان د برېتانیا له دولته غوښتي، چې د پناه غوښتنې محدودولو پروسه ودروي، د افغان ښځو لپاره خوندي لارې رامنځ ته کړي او د «مخنیوي» سیاستونو له دوام ډډه وکړي.
دې بنسټ د خپل راپور په پای کې ټینګار کړي، چې د نړیوالو قوانینو له مخې، هغه څوک چې خپل هېواد کې د ځورولو له ریښتینې ګواښ سره مخ وي، د پناه غوښتنې حق لري
