افغان ښځینه لوبغاړې صوفیه سروري د رزمي «ګراپلېنګ» لوبو برخه کې، له هېڅ ماتې پرته، آلمان کې د جوجیستو نړیوالو لوبو اتله شوې ده.
رخشانه: هغې نن (یکشنبې د وري ۳۰ مه) په خپله فسبوک پاڼه د یوه انځور په خپرولو سره لیکلي، چې د JJLG لوبې د اپرېل په ۱۸ مه، د آلمان د فرانکفورت ښار په کوربه توپ تر سره شوې.
د افغانستان دغه ښځینه لوبغاړې په ښځه ځلېدو او له ماتې پرته څلورو بریاوو سره، د دې لوبو اتلولي ګټلې ده.
هغې لیکلي، چې د «نوګي یا بې ځانګړو جامو» څانګه کې د ځواک او غوره تخنیک په ښودلو سره یې خپلو سیالانو ته ماته ورکړې او د دې برخې د سرورو مډال یې وګاټه.
دا افغان ښځینه لوبغاړې په داسې حال کې د دې سیالیو اتله کېږي، چې افغان ښځې او نجونو د طالبانو تر واکمنۍ لاندې افغانستان کې له هر ډول لوبو محرومې دي.
طالبانو د ۲۰۲۱ په اګست کې واک ته له بیا رسېدو وروسته، پر ښځو او نجونو د نورو محدودیتونو سربېره، د ښځو لوبې هم بندې کړې او د هېواد ښځینه لوبډلې یې منحلې کړې.
