په «جلاوطنۍ کې د افغان ښځو غورځنګ او نیو بنسټ» ویلي، په افغانستان کې د طالبانو نظام، د ښځو، قومي او مذهبي لږکیو پر سیستماتیک تبیعض، حذف او تاوتریخوالي ولاړ دی.
رخشانه: د دې دوه غورځنګونو اعتراضي غړو «افغانستان کې جنسیتي، قومي او مذهبي توپیر او انحصار» په اړه په یوه اعلامیه کې لیکلي، افغانستان د ټولو قومونو ګډ کور دی.
معترضو ښځو پر دوام لیکلي، هغه څه چې نن پر افغانستان واکمن دي، د ښځو، قومي او مذهبي لږکیو سره په منظم تبعیض، حذف او تاوتریخوالي ولاړ دي.
دوی په هېواد کې د ښځو او نجونو په وړاندې د طالبانو پراخه محدودیتونو ته په اشارې وايي،ٔ دا سیاستونه نه په قانون کې ریښه لري او نه هم انساني توجیهه.
معترضو ښځو د افغان ښځو او نجونو په وړاندې د طالبانو محدودیتونه «د انساني کرامت د ځپلو او له منځه وړلو څرګند توکي» وبلل وايي، طالبانو د ښځو مقام «کور یا ګور» ته راټیټ کړی دی.
دوی زیاته کړې: «د طالبانو له خوا د افغانستان د انحصاري مالکیت ادعا د انسانیت په وړاندې یو څرګند جرم او د دې خاورې له تاریخ سره خیانت دی.
معترضو ښځو د طالبانو تر واک لاندې افغانستان کې جنسیتي، قومي او مذهبي توپیر» وغانده او دې «د جنایت د عاملینو د بې ځنډه ځواب ویلو» غوښتونکې شوې.
هغوی ټينګار کړی، چې «د ولو افغان وګړو لپاره د ژوند، زده کړې، کار او آزادۍ برابر حقونه، پرته له دې، چې جنسیت، توکم یا مذهب په پام کې ونیول شي» باید لغوه شي.
طالبانو په تېرو کابو پنځو کلوو کې، په هېواد کې د ښځو او نجونو په وړندې د لسګونو فرمانونو په صادرولو سره، هغوی له خپلو لومړنیو او بنسټیزو حقونو بې برخې کړې دي.
معترضو ښځو او د بشري حقونو بنسټونو دغه محدودیتونه افغانستان کې د جنستي توپیر ښکاره بېلګه بولي او د نړیوالې ټولنې له خوا یې د هغې په رسمیت پېژندنې غوښتنه کړې ده.
طالبانو په دې موده کې نه یوازې د نړیوالې ټولې، د بشري حقونو بنسټونو او د ښځو حقونو د مدافعینو غوښتنې ته ځواب نه دی ویلی، بلکې د ښخو او نجونو په وړاندې یې محدودیتونه لا سخت او پراخه کړي دي.
