میدان وردګ کې سیمه ییز طالب چارواکي وايي، د دې ولایت «جغتو» ولسوالۍ کې د یوه کور د چت لوېدو، پېښه کې دوه ښځو ژوند بایلود.
رخشانه: میدان وردګ ولایت کې د طالبانو د والي ویاند وحیدالله سروري ځايي رسنیو ته ویلي، دا پېښه پرون (چهارشنبې د غوايي ۲ مه) د جغتو ولسوالۍ «دهنه» کلي کې رامنځ ته شوې ده.
سروري ویلي، د دې پېښې په ترڅ کې یوې ۱۵ کلنې پېغلې او یوې ۲۲ کلنې ځوانې ښځې ژوند له لاسه ورکړی دی.
د دې کور چت د سختو بارانونو له آمله پرون را پرېوتی دی.
تېره اوونۍ هم په همدې ولسوالۍ کې د یوه کور د چت لوېدو له امله، دو ماشومانو ژوند له لاسه ورکړی وو.
په ټول هېواد کې د وروستیو بارانونو او سېلابونو راوتلو له امله، لسګونه تنو ژوند بایللی، لسګونه کورونه نړېدلي او سلګونه جرېبه کرنیزه ځمکه ویجاړه شوې ده.
