افغانستان کې د روغتیا نړیوال سازمان دفتر (WHO) وايي، ملاریا ناروغي لا هم په ټول افغانستان کې کورنۍ په ځانګړې توګه، ماشومان اغېزمنوي.
رخشانه: دې سازمان نن (شنبې د غوايي ۵ مه) د ملاریا ناروغۍ نړیوالې ورځې په تړاو، په خپله اېکس پاڼه لیکلي «د مخنیوي، ژر تشخیص او په وخت درملنې سره کېدای شي، د انسانانو ژوند خوندي کړو.»
افغانستان کې د روغتیا نړیوال سازمان ویلي، ټول په ګډه «کولو شو د خپلو ټولنو لپاره له ملاریا پاکه راتلونکې جوړه کړو.»
په افغانستان کې په ملاریا ناروغۍ د اخته کسانو کره شمېره نشته.
ملاریا تر ډېره د افغانستان په ختیځو ولایتونو، له هغې جملې په ننګرهار، کونړ، لغمان او نورستان کې خپره شوې ده.
افغانستان کې د روغتیا نړیوال سازمان د مخکنیو راپورونو له مخې، له ۹۰ سلنې زیاتې پېښې په دې سیمو کې ثبت شوې دي.
ملاریا یوه انتان ویروسي او تبه لرونکې ناروغي ده، چې د ښځینه آنوفل غوماشې د چیچلو له لارې له اخته کس نه روغ کس ته لېږدي. دا ناروغي د تبې، زکام، زړه بدوالي، کمزورۍ او ستړیا سره څرګندېږي.
دا ناروغي د انتاني ناروغیو په منځ کې د مړینې درېیم لوی لامل دی او هر کال زرګونه خلک د دې ناروغۍ له امله ژوند له لاسه ورکوي.
