لوګر کې سیمه ییز طالب چارواکي وايي، د دې ولایت مرکز پل علم ښار اړوند سیمه کې د یوې ښځې او یوه ماشومان په ګډون د یوې کورنۍ څلور غړي د ناپېژانده کسانو له خوا وژل شوي دي.
رخشانه: لوګر کې د طالبانو د والي ویاند میرویس ابدالي سیمه ییزه رسنیو ته ویلي، دا پېښه د یکشنبې په شپه (د غوايي ۶ مه) د دې ولایت د مرکز پل علم ښار اړوند «حصارک» سیمه کې رامنځ ته شوې ده.
هغه زیاته کړې، په وژل شویو کسانو کې یوه ښځه او خاوند، یو ځوان زوی او یو ماشوم شامل دي.
هغه د دې وژنې د دلیل او انګېزې په اړه څه نه دي ویلي.
معلومه نه ده، چې دا څلور کسان د څه شي په واسطه وژل شوي دي.
لوګر کې د طالبانو امنیه قوماندانۍ هم ویلي، د پېښې په تړاو یې درې تنه نیولي دي.
د طالبانو له بیا واکمنېدو وروسته، په هېواد کې شکمنې او ناپېژانده وژنې بې مخینې زیاتې شوې دي
