بدخشان کې سیمه ییزې سرچینې وايي، د دې ولایت اشکاشم ولسوالۍ کې یوه ښځه د وسله والو کسانو له خوا په ډزو وژل شوه.
رخشانه: بدخشان کې یوې سرچینې د هویت پټ ساتلو سره رخشانې رسنۍ ته و ویل، یو ښځه نن (پنشنبې د غوايي ۱۷ مه) سهار کابو ۸ بجې د اشکاشم ولسوالۍ په «صیاد» کلي کې و وژل شوه.
د سرچینې په وینا، دا ښځه له خپل پنځه کلن ماشوم سره، د اشکاشم ولسوالۍ مرکز کې خپل د خیاطۍ دوکان پر لار، د ناپېژانده وسله والو کسانو له خوا د «ښکاري ټوپک» په ډز وژل شوې ده.
سرچینې زیاته کړې، دې ښځې شاوخوا ۳۱ کاله عمر درلود، لیلما نومېده او د بدخشان د یوه محلي سندري غاړي عبدالسلام مفتون مېرمن وه.
د سرچینې له قوله، دې ښځه اشکاشم ولسوالۍ کې دولتي روغتون ته تر لېږدولو وروسته، ژوند له لاسه ورکړی، خو ماشوم یې روغ رمټ دی.
له مېرمن لیلما څخه پنځه کم عمره ماشومان، چې درې زامن او دوه لوڼې دي، پاتې شوې.
معلومه نه دهو چې دا ښځه په کوم دلیل او د چا له خوا وژل شوې ده.
تر اوسه بدخشان ولایت کې سیمه ییزه طالب چارواکو هم په دې اړه څه نه دي ویلي.
په دې وروستیو دوه ورځو کې د هېواد په ځینو ولایتونو کې د ښځو وژنې په بې مخینې توګه زیاتې شوې دي.
تېره ورځ هرات کې سیمه یزه سرچینو رخشانې رسنۍ ته ویلي و، چې د دې ولایت د مرکز هرات ښار اووه ناحیه کې یو سړي له خپلې ښځې سر پرې کړی دي. همدارنګه له کابل، تخار او دایکنډي ولایتونو څخه هم د دریو ښځو د وژل کېدو خبرونه رسنیز شوي دي.
