کاپیسا کې سیمه ییز طالب چارواکي وايي، د دې ولایت تګاب ولسوالۍ کې د یوه کور د چت لوېدو پېښه کې دوو ښځو او دوو ماشومانو ژوند له لاسه ورکړی دی.
رخشانه: کاپیسا کې د طالبانو د امنیه قوماندانۍ ویاند عبدالفتاح فایز ځايی رسنیو ته ویلي، دا پېښه پرون (یکشنبې د غوايي ۲۰ مه) د بدراب سیمې په «ده مینجي» کلي کې رامنځ ته شوې ده.
دفایز په وینا، د استوګنې د یوه کور چت لوېدلی، چې له امله یې دوه ښځې او دوې ماشومې نجونې وژل شوي دي.
دی وايي، څلور واړه د یوې کورنۍ غړي وو، خو د هغوی د عمر او هویت په اړه یې څه نه دي ویلي.
د دې کور چت په دې وروستیو کې د زیات اورښت له امله نړېدلی دی.
د یادونې ده، چې د شنبې په ورځ هم د باغیس ولایت په قادس ولسوالۍ کې د یوه کور د دېوال نړېدو له امله یو ماشوم ژوند له لاسه ورکړی وو.
کار کال د پسرلي په موسم کې ورته پېښې د هېواد په یو شمېر ولایتونو کې رامنځ ته کېږي او له خلکو قرباني اخلي. د دې پېښې ډېری قربانیان ښځې او ماشومان دي.
