بلخ کې د «اوسانه» لنډو کیسو فیستوال جوړونکي وايي، د کیسو لیکلو سیالۍ د دیارلسم پړاو ګټونکو په منځ کې دوه ځوانې ښځینه کیسه لیکوونکې هم د جایزو په تر لاسه کولو بریالۍ شوې.
رخشانه: د بلخ د کیسو کور نن (یکشنبې د غوايي ۲۱ مه) په خپله فسبوک پاڼه د کیسو لیکلو سیالۍ د دې پړاو ګټوونکي اعلان کړي دي.
دا فیستوال هر کال د هېواد د ځوانو کیسو لیکوونکو د ودې او پیاوړتیا په موخه، د بلخ د کیسو کور له خوا جوړېږي.
د دې فیستوال اجرايي مدیر شفیع بیریا ویلي دي، د اوسانه لنډو کیسو فیستوال په دیارلسم پړاو کې د هېواد د ځوانونو لیکوالو ۱۱۰ لنډې کیسې په درې پړاونو کې و ارزول شوې.
د هغه په وینا، د دې فیستوال تر ټولو غوره کیسې د شپږو څارونکو له خوا په دریو پړاونو کې و ارزول شوې، چې په پای کې یې درې کیسې تر ټولو غوره او دوه نورې کیسې د ستاینې وړ وپېژندل شوې.
د کیسو وروستۍ کره کتنه د خالد نویسا، فاطمه خاورې او محمد امین محمدي له خوا تر سره شوه. دې کره کتوونکو، کیسې د دریو معیارونو پر بنسټ، د کیسې نثر، د کیسې جوړښت او کرکټر جوړونکې پر اساس وکړې.
د «اوسانه» لنډو کیسو فیستوال د دیارلسم پړاو د کره کتونکي پلاوي د رایو له مخې، د زهره حسیني لنډه کیسه «څه چې په کلي کې پاتې دي» د دې پړاو لومړی مقام خپل کړ.
سارا کامګار په دې فیستوال کې د خپلې لنډې کیسې «ښکلي بوټان» سره دویم او علي آغا فیاض د «بې نومه بستر» لنډې کیسې سره درېیم مقام وګاټه.
د دې فیستوال کره کتوونکي پلاوي د محمد ضیا جویا د «موږک لندۍ» او د آسیه دانشیار «زړه ماتې» لنډې کیسې د ستاینې وړ وګڼلې.
طالبانو د دې فیستوال جوړونکو ته د «ښځو او نارینه وو په یوه وخت کې د شتون» په دلیل اجازه نه ده ورکړې، چې د دریالسم پړاو د ګټوونکو مراسم اعلان کړي.
د بلخ د کیسې کور په ۱۳۸۷ کال کې د یوې ډلې فرهنګیانو او کیسو لیکوونکو په همکارۍ جوړ شوی او هر کال د «اوسانه» فیستوال د کیسو لیکلو په برخه کې د غوره استعدادونو د پېژندنې او هڅونې په موخه جوړي.
