کونړ ولایت کې ځايي سرچینې وايي، د دې ولایت «وټه پور» ولسوالۍ کې له کونړ سیند نه د یوې ماشومې نجلۍ جسد موندل شوی دی.
رخشانه: کونړ کې سیمه ییزې سرچینې ویلي، د دې نجلۍ جسد نن (یکشنبې د غوايي ۲۷ مه) د وټه پور ولسوالۍ په «شینګام» سیمه کې موندل شوی دی.
سرچینې زیاته کړې، دا نجلۍ، چې شاوخوا ۱۲ کاله عمر لري، جسد یې د سیمې د خلکو له خوا له اوبو څخه را ایستل شوی دی.
د دې ماشومې هویت معلوم نه دی او نه هم نه ده جوته چې هغه څه ډول په سیند کې لوېدلې ده.
کونړ کې سیمه ییزه طالب چارواکو هم تر اوسه په دې اړه څه نه دي ویلي.
هر کال د پسرلي په موسم کې د سیندونو د اوبو د کچې راپورته کېدو له آمله، د هېواد په یو شمېر ولایتونو کې ورته پېښې رامنځ ته کېږي.
