بادغیس کې سیمه ییز طالب چارواکي وايي، د دې ولایت سنګ آتش ولسوالۍ کې یو ماشوم د اوبو زېرمې ته لوېدلې او ژوند یې بایللی دی.
رخشانه: بادغیس کې د طالبانو د امنیه قوماندانۍ ویاند صدیق الله صدیقي ځايي رسنیو ته ویلي، دا پېښه نن (دوشنبې د غوايي ۲۸مه) غرمه شاوخوا ۱۲ بجې د «لودینان» په سیمه کې رامنځ ته شوې ده.
د صدیقي په وینا، د دې کورنۍ غړي د اوبو له یوې ذخیرې څخه د اوبو را ایستلو په حال کې وو، چې دغه ماشومان ورلوېدلی دی.
صدیقي زیاته کړې، دې ماشوم د اوبو زېرمې ته له لوېدو وروسته ژوند بایللی دی.
بادغیس کې د طالبانو د امنیه قوماندانۍ ویاند ویلي، دا ماشوم پنځه کلن وو.
هغه د دې ماشوم د هویت او جنسیت په اړه څه نه دي ویلي.
له دې وړاندې هم د هېواد په یو شمېر ولایتونو کې څو ماشومانو کوهي ته د لوېدو له امله ژوند له لاسه ورکړی دی.
