ننګرهار کې سیمه ییز طالب چارواکي وايي، د دې ولایت اچین ولسوالۍ کې د یوه کور د چت لوېدو پېښه کې، یوې ښخې او یوه ماشوم ژوند له لاسه ورکړی او یو بل ماشوم ټپی شوی دی.
رخشانه: ننګرهار کې د طالبانو د امنیه قوماندانۍ ویاند سید طیب حماد ویلي، دا پېښه (دوشنبې د غوايي ۲۸ مه) د دوشنبې په ورځ شاوخوا ۷ بجې د اچین ولسوالۍ «عبدالخېل» سیمه کې رامنځ ته شوې ده.
حماد زیاته کړې، د یوه کور د دوه کوټو د چتونو لوېدو له امله، د یوه نارینه، یوې ښځې او یوه ماشوم په ګډون دریو تنو ژوند له لاسه ورکړی او یو بل ماشوم ټپی شوی دی.
د طالبانو د امنیه قومانداني ویاند ویلي، ټپي شوی ماشوم، یوه لس کلنه نجلۍ ده.
هغه د دې ماشومې د روغتیايي وضعیت په اړه څه نه دي ویلي.
د دې کور چت د وروستیو ورښتونو او طوفان له امله لوېدلی دی.
په ورته وخت ننګرهار کې دوه محلي سرچینو ویلي، د دې پېښې له رامنځ ته کېدو وروسته، د سیمې اوسېدونکي له طالب ځواکونو سره یو ځای، له کنډوالو د قربانیانو د را ایستو لپاره لاس په کار شوي دي.
د سرچینو په وینا، ټپي شوې ماشومه د سیمې د اوسېدونکو او طالب ځواکونو له خوا د درملنې په موخه روغتیايي مرکز ته لېږدول شوې ده.
