ننګرهار کې ځايي سرچینې وايي، د دې ولایت کامې ولسوالۍ کې، په سیند کې یوه ماشومه نجلۍ چې شاوخوا لس ورځې مخکې ډوبه شوې لا هم ورکه ده.
رخشانه: د ننګرهار کامې ولسوالۍ ولسوالۍ کې دوه ځايی سرچینو رخشانۍ رسنۍ ته ویلي، دا ماشومه د (غبرګولي په اوله) د کابل- جلال آباد پر لویه لار د کامې ولسوالۍ «سورۍ تېږه» سیمه کې د یوې ترافیکي پېښې په ترڅ کې سیند ته لوېدلې او په اوبو کې ډوبه شوې وه.
د سرچنیو په وینا، دا ماشومه شپږ کلنه او د کامې ولسوالۍ د «ګري» کلي اوسېدونکې وه.
سرچینو ته د دې نجلۍ خپلوانو چې غوښتل یې هویت یې پټ پاتې شي ویلي، دا ماشومه د خپلې کورنۍ د یو شمېر غړو سره یو ځای د یوې ترافیکي پېښې له امله سیند ته لوېدلې او اوبو کې ډوبه شوې وه.
د دې ماشومې د کورنۍ دو تنو غړو ویلي، په دې موده کې یې د نجلۍ د جسدو موندلو هڅو پایله نه ده ورکړې.
هغوی د ننګرهار مومند درې ولسوالۍ او د کابل جلال آباد پر لویه لاره، د سیند پر غاړه اوسېدونکو څخه غوښتي، چې د دې ماشومې د جسدو موندلو کې له دوی سره مرسته وکړي.
د کابل- جلال آباد لویه لار د هېواد له هغې ګڼې ګوڼو ډکو لارو څخه ده، چې پلازمینه کابل له ننګرهار ولایت او د تورخم له لارې د پاکستان سره نښلوي.
دغه لار د غرنیو سیمو لکه، تنګي غارو او درونټې څخه د تېرېدو په دلیل، تل له شدیدو طبیعي ننګونو سره مخ او د خونړیو ترافیکي پېښو شاهده وي.
