د «رواداری» بشري حقونو سازمان اعلان کړی، چې «د افغان ښځو لپاره د ولسي محکمې پلاوي» سویلي افریقا ته سفر کې، د بشري حقونو د فعالانو سره لیدلي او د افغان ښخو د ملاتړ غوښتنه یې کړې ده.
رخشانه: رواداري نن (دوشنبې د غبرګولي ۱۱ مه) په خپله اېکس پاڼه لیکلي، «د افغان ښځو لپاره د ولسي محکمې پلاوي» د روان میلادي کال د می په ۲۵ مه سویلي افریقا ته سفر کړی وو.
د دې بنسټ په اعلامیه کې راغلي، د دې څلور ورځني سفر په اوږدو کې څارنوالانو او د افغان ښځو لپاره د ولسي محکمې جوړونکو، د بشري حقونو له فعالانو په ځانګړې توګه د جنستي توپیر ضد مبارزینو او د سویلي افریکا د بشري حقونو کمېسیون له غړو سره خبرې اترې کړې دي.
رواداري ویلي، د دې خبرو په ترڅ کې، د افغان ښځو لپاره د ولسي محکمې پلاوي، له افغان ښځو د سویلي افریقا د بشري حقونو بنسټونو او فعالانو د ملاتړ غوښتنه وکړه.
اعلامیه کې راغلي «افغانستان کې د بشري حقونو له وضعیت سره، د سویلي افریقا د بنسټونو، فعالانو او مبارزینو لېوالتیا په زړه پورې وه.»
د رواداری بشري حقونو بنسټ همدارنګه وايي، په ټولو ناستو او خبرو اترو کې له افغان ښځو او وګړو د همکارۍ او ملاتړ د دوام پر اړتیا ټينګار وشو.
روادارۍ ویلي، د سویلي افریقا د بشري حقونو بنسټونو په همکارۍ به، د سویلي افریقا له فعالانو، اکاډمیکو شخصیتونو، مبارزینو او دولتي بنسټونو سره د اړیکو پراخولو لپاره پلانونه جوړ او پلي کړي.
دې بنسټ تېر میلادي کال په لومړي ځل، په افغانستان کې د طالبانو له بیا واکمنېدو وروسته، د افغان ښخو د حقونو د سرغړونو د څېړنو او مستند کولو لپاره ولسي محکمه جوړه کړه.
