د ناورې د کډوالو شورا عمومي منشي یان اګلند ویلي، افغان او ایراني ماشومان د امریکا او اسرائیلو د ورستیو جګړو او بمباریو له امله په روحي او رواني ستونزو اخته شوي دي.
رخشانه: اګلند پرون (یکشنبې د غبرګولي ۱۰ مه) ناوخت مهال په خپله اېکس پاڼه لیکلي، ایران کې یې د ناروې د کډوالو شورا له ملاتړه برخمنو ټولنیزو مرکزونو څخه لیدنه کړې ده.
هغه زیاته کړې، په دې مرکزونو کې ماشومانو پر لومړنیو زده کړو سربېره، د رواني ملاتړ او تروما پورې اړوند څار خدمات هم تر لاسه کوي.
اګلنډ زیاته کړې، د ډېری افغان ماشومانو میندو او پلرونو ویلي چې «له جګړې د خواره شوي افتصادي بحران له امله، لږ عاید چې دوی درلود، هغه یې هم له لاسه ورکړی دی.»
د ناروې د کډوالو شورا عمومي منشي ویلي، له څلور میلیونه زیات افغان کډوال چې ایران کې ژوند کوي، ډېرو مرستو او ملاتړ ته اړتیا لري.
د هغه په وینا، د جګړو له پیل راهیسې تر ۳۵ زره زیات افغان کډوال بېرته افغانستان ته ستانه شوي او له یو میلیون څخه زیات کسان لا هم د ایستلو له ګواښ سره مخ دي.
د ناروې د کډوالو شورا عمومي منشي وايي، په پام کې لري، له ۵۰ زره زیاتو ایراني او افغان وګړو، چې د ایران او امریکا له وروستیو جګړو اغېزمن شوي، ملاتړ وکړي.
