نړیوالو رسنیو راپور ورکړی، چې د افغانستان د فوټبال ښځینه لوبډله، د فیفا له لوري په نړیوالو سیالیو کې د جواز تر لاسه کولو ورسته،به نیوزیلنډ کې د کوک ټاپوګانو لوبډلې سره سیالۍ ته ووځي.
رخشانه: اې بي سي نیوز پرون سه شنبې د (غبرګولي ۱۲ مه) په یوه راپور کې لیکلي، دغه لوبډله به په دوه دوستانه سیالیو کې روانه اوونۍ په لوبغاړلي کې سره مخ شي.
راپور راوړي، د افغانستان د فوټبال ښځینه لوبډلې ۲۳ تنه غړي دا مهال د نیوزلنډ په اوکلنډ ښار کې، په یوه تمریناتي کمپ کې شتون لري او په مخکې لوبو لپاره چمتوالی نیسي.
د فوټبال نړیوال فدراسیون (فیفا) هم څه موده وړاندې اعلان کړی وو، چې د افغانستان د فوټبال ښځینه لوبډله به د جون په ۴ مه او ۸ مه، د نیوزلنډ اوکلنډ ښار کې د اوقیانوسیه سیمې له لوبډلې سره دوه دوستانه لوبې وکړي.
د افغانستان د فوټبال ښځینه لوبډلې مشر روزونکی پائولین همیل ویلي، دا لوبې د لوبغاړو سره مرسته کوي، چې له فشار او چاپېریال سره ښه بلد شي، په نړیواله کچه د لوبو وړتیا پیدا کړي او خپله وړتیا لا نوره پیاوړې کړي.
د دې لوبډلې اسکاټلنډی روزونکي زیاته کړې، د وړتیا تر لاسه کولو کمپونه په بېلا بېلو هېوادونو کې تر سره کوي، تر څو لوبغاړي د راتلونکو لوبو لپاره لا ښه سره راټول شي.
د «افغان محتده ښځو» فوټبال لوبډله، چې د افغانستان د فوټبال ښځینه لوبغاړو څخه جوړه شوې ده. د ۲۰۲۵ کال په می میاشت کې جوړه شوې ده. دې لوبډلې د ۲۰۲۵ میلادي کال په اکتوبر او نوامبر کې د لومړي ځل لپاره د مراکش ښار په «FIFA Unites: Women’s Series» په سیالیو کې ګډون وکړ.
دې لوبډلې د چاد او تونس پر وړاندې له ماتې خوړولو وروسته، په درېیمه لوبه کې لیبیا ته ۷ د صفر په وړاندې ماته ورکړه، خپله لومړۍ بریا یې خپله او د دې لوبو درېیمه لوبډله شوه.
فیفا څه موده وړاندې اعلان وکړو چې په جلاوطنۍ کې د افغانستان د فوټبال ښځینه لوبډله کولی شي، د طالبانو له تایید پرته په رسمي لوبو کې د افغانستان استازیتوب وکړي.
د فوټبال نړیوال فدراسیون مشر جیاني اینفانتینو ویلي، دا «په د لوبو په ډګر کې په نړیواله کچه یو بې مخینې او پیاوړې پرېکړه ده.»
د افغانستان د فوټبال ښځینه ملي لوبډلې غړې، د ۲۰۲۱ په اګست کې د طالبانو له بیا واک ته رسېدو وروسته، استرالیا، امریکا او اورپايي هېوادونو ته کډه شوې.
طالبانو د ښځو او نجونو په وړاندې د نورو محدودیتونو سربېره، هغوی له لوبو هم منع کړې دي. د دې بندیز په ترڅ کې د هېواد ټولې ښځینه ملي لوبډلې منحل شوې دي.
