افغانستان کې د ملګرو ملتونو د استازولۍ دفتر (یوناما) هرات کې د لسګونه ښځو او ځوانو نجونو په نیول کېدو اندېښنه ښودلې وايي، دا اقدام د بشري حقونو جدي اندېښنې له ځان سره لري.
رخشانه: دې بنسټ نن (یکشنبې د غبرګولي ۱۷ مه) په خپله اېکس پاڼه د یوه پوسټ په خپرولو سره، هرات ښار کې د لسګونه ښځو او نجونو نیونې ته غبرګون ښودلی دی.
د یوناما په اعلامیه کې راغلي «هرات کې د حجاب نه رعایت کولو په تور د ګڼو ښځو او نجونو نیول» د بشري حقونو جدي اندېښنې له ځان سره لري.
یوناما زیاته کړې «ټول خلک د خپلواکۍ او ګرځېدو حق لري او د ښځو او سړیو په ګډون ټول خلک حق لري، چې د قانون څخه برابر برخمن وي.»
طالبانو پرون په هرات کې د ښځو په حجاب او ګرځېدو سخت بندیز لګولی دی.
طالبان دیروز محدودیتهای شدیدی بر رفتوآمد و پوشش زنان در هرات وضع کردند.
د ځايي سرچینو د راپورونو له مخې، له پرون راهیسې لږ تر لږه ۲۰ ښځې او ځوانې نجونې، د «بې حجابۍ، ماسک نه لرلو او وېښتانو ښکارېدو» په تور، د هرات ښار له بېلا بېلو سیمو نیولې او نامعلوم ځای ته یې لېږدولې دي.
هرات کې د طالبانو ځايي ادارې د جمعې په ورځ (د غبرګولي ۱۵ مه) په یوه غونډه کې پرېکړه کړې، چې د شنبې له ورځې به هغه «ښځې او نجونې، چې چادرۍ، مخ بند نه لري او تنګې جامې او سینګار کړې بازار او عامه سړکونو ته وځي» نیسي او زندان ته به یې اچوي.
د طالبانو د امربالمعروف ځواکونو له خوا د هراتي ښځو او نجونو نیونې، د بشري حقونو د فعالانو غبرګونونه راپارولي او د هېواد وګړي یې غوسه کړي دي.
د هرات اوسېدونکو طالب والي ته په یوه لیک کې لیکلي، په هراتي ښځو د محدودیتونو پلي کول، د دې ولایت د خلکو په وړاندې بې عدالتي کینه کښه چلنده دی.
دوی د طالبانو له بنده د ښځو او نجونو د ژر تر ژره خوشي کېدو غوښتنه کړې ده وايي، د «خپلې خوښې د محدودیتونو او افراطي تفسیرونو پلي کولو» د خلکو د اندېښنې لامل شوی دی.
د هرات اوسېدونکو په خپل لیک کې لیکلي: «یوازې په هرات کې پر ښځو د محدودیتونو پلي کول، د هرات د خلکو په وړاندې بې عدالتي او له کینې ډک چلند دی.»
دوی په دې ولایت کې د ښځو او نجونو پر جامو او حجاب د محدودیتونو په لګولو نیوکه کړې او طالبان یې د «یو بام او دوه هواوې» سیاست په چلولو تورن کړي دي.
