له لندن نه خپرېدونکې «میډل ایست آی» رسنۍ په یوه مطلب کې لیکلي، نړیوالې جنايي محکمې (ICC) د دې بنسټ څارنوالو ته امر کړي، چې د طالبانو له لوري د ښځو د جنسیتي ځورونې په اړه خپلواکې څېړنې پیل کړي.
رخشانه: په دې مطلب کې چې تازه خپور شوی راغلي، د «دویمې محکمې» د قاضیانو درې کسیزه پلاوي د جولای میاشتې په نیمايي کې د څارنوالۍ له دفتره غوښتي، چې دغه پلټنې تر سره کړي.
«میډل ایست آی« لیکلي، که څارنوالان پلټنې پیل کړي، د طالبانو قضیه به په اغېژمنه توګه، د افغانستان له پراخو تحقیقاتو څخه جلا، چې په خرسان کې د داعش، طالبانو، ناټو ځواکونو او افغان امنیتي ځواکونو په وړاندې له ۲۰۰۳ کال راهیسې د جنګي جرمونو تورونه څېړي. دا دوسیه د ۲۰۲۱ اګست کې واک ته له رسېدو وروسته، د طالبانو د چلند سره تړاو لري.
په دې اساس، که د جرمونو د نړیوالې محکمې مشرتابه موافقه وکړي، د طالبانو پر ضدد دې ادارې نورې څېړنې به د افغانستان د وضعیت په اړه، د محکمې له پخوانیو او پراخو څېړنو څخه، چې په ۲۰۲۰ کال کې وړاندیز شوې وه، جلا وي.
په دې مطلب کې راغلي، د ۲۰۲۴ کال په نومبر میاشت کې د چیلي، کاستاریکا، هسپانیا، فرانسه، لوکزامبورګ او مکزیک هېوادونو په ګډه د ۲۰۲۱ کال په اګست کې د طالبانو له واک ته رسېدو وروسته، د ښځو او نجونو په وړاندې د جرمونو اړوند تورونه محکمې ته راجع کړل او له څارنوالانو یې وغوښتل، چې د افغانستان په اړه شته څېړنو کې دغه تورونه ځای کړي.
د جرمنو نړیوالې محکمې قاضیانو ویلي، په افغانستان کې واک ته له رسېدو وروسته، د طالبانو چلند په بنسټیز ډول «د واقعیت، جوړښت او د کمېسیون د طریقې له مخې» د جګړې پورې اړوند تاوتریخوالي څخه توپیر لري، چې د ۲۰۲۰ کال د تحقیقاتو اساس وو.
د دې خونې قاضیانو، روزاریو سالواټوره آیتالا، د پلاوي مشر، سرخیو خراردو، اوګالده ګودېنس او هایکل بن محفوظ، څارنوالانو ته امر کړی، چې په دې اړه بشپړ خپلواکه پلټنې پیل کړي.
دوی ویلي: «دا حواله د طالبانو د فرمانونو، پالیسیو او محدودیتونو د تصویب، پلي کولو او تپلو له لارې د جنسیتي او سیاسي تبعیضي ځورونې تورونو پورې اړوند کېږي.»
د جرمنو نړیوالې محکمې (ICC) یو کال وړاندې د جنسیت پر بنسټ د ځورونې له لارې د انسانیت پر ضد د جرمونو د ترسره کولو په تور، د طالبانو د مشر ملا هبت الله اخوندزاده او د سترې محکمې د رییس عبدالحکیم حقاني د نیولو حکم صادر کړی وو.
