له «پولیو پاک افغانستان» پاڼې اعلان کړی، چې د پولیو واکسین د کمپاین نوې لړۍ، په ننګرهار او د کونړ، کابل، هرات او فراه په ۱۷ ولسوالیو کې پیل شو.
رخشانه: د پولیو واکسین د کمپاین نوې لړۍ نن (دوشنبې د زمري ۲۶ مه) په ټول ننګرهار، د کونړ په اوو، د کابل په شپږو، د هرات او فراه په دوه دوه ولسوالیو کې پیل شوه.
له «پولیو پاک افغانستان پاڼې» ویلي دا کمپاین د پولیو وروستیو مثبتو پېښو ته د بېړني ځواب ویلو او د دې ویرو د لا پراختیا د مخیوي په موخه په لار اچول شوی دی.
په دې نوې لړۍ کې به د ننګرهار په ۱۴ ولسوالیو کې له نویو زېږدلو نیولې تر ۵۹ میاشتنیو ماشومانو پورې د پولیو (OPV) او له ۴ تر ۵۹ میاشتنیو ماشومانو پورې به د (fIPV) جزئي د ستنې واکسین ورکړل شي.
همدارنګه د ننګرهار په ۸ نورو ولسوالیو کې به له زېږدنې تر ۵ کلنۍ پورې ماشومانو ته یوازې د (OPV) پولیو د څاڅکي واکسین ورکړل شي.
معلومه نه ده، چې په دې لړۍ کې به له پنځه کلنۍ کم عمره څومره ماشومانو ته واکسین کړای شي.
له «پولیو پاک افغانستان» پاڼې له خلکو غوښتي، چې د پولیو ویروس له منځه وړلو لپاره خپل ماشومان واکسین کړي.
د روغتیا نړیوال سازمان (WHO) د راپور له مخې، د ۲۰۲۶ کال له پیل راهیسې تر نن پورې، په افغانستان کې د پولیو یا ماشومانو د ګذڼ ۱۵ مثبتې پېښې ثبت شوې دي.
د روغتیا نړیوال سازمان ویلي، افغانستان دا مهال په نړۍ کې د پولیو ویروس تر ټولو لوړه کچه لري.
دا مهال په نړۍ کې افغانستان او پاکستان یوازیني هېوادونه دي، چې د پولیو ویروس په لمنځه وړلو نه دي بریالي شوي.
