د افغانستان د بشري حقونو د چارو لپاره د ملګرو ملتونو ځانګړي راپور ورکوونکي ریچارد بنټ د کابل لوېدیځ دشت برچي سیمه کې د «شمع هدایت» خصوصي ښوونځي باندې د پرون مازیګر د برید په غبرګون کې، د دې پېښې د عاملینو د پلټلو او پېژندلو غوښتنه کړې.
رخشانه: بنټ نن (سه شنبې د زمري ۲۷ مه) په خپله اېکس پاڼه د یوه پوسټ په کولو سره دا برید «په کلکو ټکو» غندلی دی.
هغه لیکلي: «زه په دشت برچي سیمه کې په یوه ښوونځي د تېرې ورځې وحشیانه برید، چې یو شمېر ماشومانو په کې زیان لیدلی دی، په کلکه ټکو غندم.»
د افغانستان د بشري حقونو د چارو لپاره د ملګرو ملتونو ځانګړي راپور ورکوونک ویلي، «یو ځل بیا د کابل په هزاره مېشتې تر برید لاندې راغلې.» هغه ټینګار کړیو چې دا اقدام په کلکه غندي.
ریچادر بنټ ویلي «د دې برید د عاملینو په اړه بشپړ او خپلواک تحقیق او عدالت ته د هغوی سپارل» اړین دي.
دې برید د بشري حقونو د بنسټونو او یو شمېر سیاسي څېرو غبرګونونه له ځان سره درلودل. دغه بنسټ د دې برید د څېړنې غوښتنه کړې او طالبان یې د هغه عامل بللي دي.
د هزاره کډوالو شبکې په یوه اعلامیه کې ویلي، دا برید باید «د نړیوالو معیارو، د بشریت په وړاندې د جرم او نسل وژنې پر بنسټ» وڅېړل شي.
د افغانستان د اسلامي وحدت ګوند مشر محمد محقق هم په شمع هدایت ښوونځي برید ته په غبرګون کې، طالبان د دې برید عاملین بللي دي.
پرون مازیګر مهال د کابل اتلسمې امنیتي حوزې اړوند مهدیه ښارګوټي کې د «شمع هدایت» په خصوصي ښوونځي په چاودنه کې لسګونه زده کوونکې نجونې او هلکان ټپیان شول.
تر اوسه د دې پېښې د مرګ ژوبلې کره شمېره نه ده معلومه. رخشانې رسنۍ د ټپیانو دوه نوملړونه تر لاسه کړي، چې استقلال او امام زمان روغتونو ته لېږدول شوي دي.
د دغه نوملړونو له مخې، ۱۷ ټپي زده کوونکي دشت برچي کې امام زمان او څلور زده کوونکي او یو ځوان سړی دارالامان کې استقلال روغتون ته لېږدول شوي دي. ډېری ټپیان زده کوونکې نجونې دي، چې عمرنه یې له ۹ تر ۱۴ کلونو پورې دي.
د سرچینو په وینا، دا چاودنه له ښوونځي د زده کوونکو د راوتلو پر مهال شوې، نو ځکه یې د مرګ ژوبلې شمېره لوړه ده.
طالبان د دې پېښې د جزیاتو او مرګ ژوبلې د کره شمېر د رسنیز کولو مخنیوی کوي.
دې ډلې پرون ماښام په دې پېښه کې د ۵۲ زده کوونکو د ټپي کېدو پخلی وکړ.
تر اوسه هېڅ ډلې یا فرد د دې برید مسوولیت په غاړه نه دی اخیستی.
