د ناروې د کډوالو شورا عمومي منشي یان اګلنډ وايي، د طالبانو تر واک لاندې افغانستان ته د خپل هر سفر په ترڅ کې، د افغانانو د ژوند شرایطو او اساسي حقونو د ورځې تر بلې د خرابېدو شاهد وي.
رخشانه: اګلنډ پرون ناوخته (سه شنبې د وږي ۱۷مه) په خپله اېکس پاڼهد ۲۰۲۱ کال کې د طالبانو د بیا واک ته رسېدو راهیسې، افغانستان ته د خپل پنځم سفر کولو خبر ورکړی دی.
هغه لیکلي، هر ځل چې افغانستان ته سفر کوي، د خلکو د ژوند شرایطو او اساسي حقونو دوامداره تخریب او خرابوالی ګوري.
د ناروې د کډوالو شورا عمومي منشي ویلي، سره له دې، چې د بشري مرستو لپاره د خلکو پراې اړتیاوې شتون لري، دې ته اړتیاوو ته ځواب ویل، د بودیجې د سخت کمښت له امله خورا کمزوری شوی دی.
اګلنډ زیاته کړې، افغانستان ته یې په خپل وروستي سفر کې له داسې میندو سره لیدلي، چې د اولادونو د ورکولو لپاره یو شی نه لري.
هغه لیکلي: «له داسې کورنیو سره مې لیدلي، چې په زور له پاکستان څخه له هېڅ شي پرته داسې یوه هېواد ته راستانه کړای شوي، چې په اصل کې د ملیونونو نورو خلکو د ملاتړ توان نه لري.»
یان اګلنډ ویلي دي، سره له دې، چې خلک بشري مرستو ته اړتیا لري، افغان میندې او پلرونه «په شدت سره غواړي، د دوی لوڼې د زده کړو فرصت ولري.»
دی وايي، په افغانستان کې د ناروې د کډوالو په شورا کې د ده همکاران ښه کار کوي، خو د بودیجې د نشتوالي له امله یې فعالیتونه ډېر محدود دي.
د ناروې د کډوالو شورا عمومي منشي ویلي، د ناټو غړي هېوادونه له افغانستان څخه په «بیړني» ډول د همکارۍ له ژمنې سره و وتل، اوس اوس دا ژمنې هېرې شوې او خلک په بشپړه توګه له پامه غورځول شوي دي.
