غزني کې سیمه ییز طالب چارواکي وايي، د دې ولایت اندړو ولسوالۍ کې یوې ښځې د ناسمې پېچکارۍ کولو له امله ژوند له لاسه ورکړی دی.
رخشانه: غزني کې د طالبانو د امنیه قومادانۍ ویاند خالد سرحدي ویلي، دا پېښه پرون جمعه د (وږي ۲۰ مه) ماښام مهال د اندړو ولسوالۍ په «کوک» کلي کې رامنځ ته شوې ده.
د هغه په وینا، دې ښځې د خپلې ناروغۍ د درملنې لپاره د سیمې له ډاکتر څخه یوه پېچکارۍ اخیستي او په خپل ګاونډي باندې یې کړې ده.
سرحدي زیاته کړې، دې ناروغې مېرمن د خپل یوه کاونډي له خوا چې عادي وکړی دی، پېچکاري ورکړل شوې ده.
غزني کې د طالبانو د امنیه قوماندانۍ ویاند وايي، د پېچکارۍ له کولو وروسته د ښځې وضعیت خراب شوی او روغتون ته لېږد پر مهال یې ژوند بایللی دی.
د دې ښځې د ناروغۍ، عمر او هویت په اړه جزیات په لاس کې نشته.
