د افغانستان د نجونو رباتیک ټیم اعلان کړی، چې په پاناما هېواد کې یې د ۲۰۲۵ په نړیوالو لوبو FIRST Global Challenge کې ګډون کړي دی.
رخشانه: دغه نړیوالې لوبې د ۱۹۰ هېوادونو په ګډون د اکتوبر له ۲۹ مې د نومبر تر لومړۍ پورې په لار اچول شوې دي.
ریحانه جعفري، مهتاب احمدي، غزل صالحي، ندا بارکزۍ، حدیت احمدي او مائده انصاري، د افغان نجونو د رباتیک ټیم غړې دي، چې په دې لوبو کې یې ګډون کړی دی.
د افغانستان د نجونو رباتیک ټیم بنسټ اېښودونکې او مشره رویا محبوب، علي رضا مهربان، الهام محبوب او الناز مسعودیان د افغان نجونو د رباتیک ټیم روزونکي دي.
مېرمن محبوب په خپله فسبوک پاڼه لیکلي، د افغانستان د نجونو رباتیکه لوبډله، له هغو ځوانو کډوالو نجونو جوړه شوې، چې په بېلا بېلو هېوادونو کې کډوالې دي.
هغې لیکلي، په نړیوالو لوبو کې د دې نجونو په شتون ویاړي او دوی له مجازي لارې یو له بله همکاري کوي.
د افغانستان د نجونو رباتیک ټیم د دې لوبو په تېر پړاو کې د سپینو زرو مډال تر لاسه کړی وو.
