غزني کې د طالبانو امنیه قومانداني وايي، د دې ولایت مرکز غزني ښار کې یوې ځوانې نجلۍ، ځان کوهي ته اچولی او ځان وژنه یې کړې.
رخشانه: دغه پېښه پرون (شنبې د وري ۸ مه) د غزني ښار د شپږمې ناحیې اړوند نوآباد سیمه کې رامنځ ته شوې ده.
غزني کې د طالبانو امنیه قوماندانۍ په خبرپاڼه کې ویل شوي، دې نجلۍ یوه ژور کوهي ته په ټوپ وهلو ځان وژنه کړې ده.
خبرپاڼه کې د دې نجلۍ د ځان وژنې لامل کورنۍ تاوتریخوالی بلل شوی دی.
د دې نجلۍ د عمر او هویت په اړه څه نه دي ویل شوي.
طالبانو ویلي، د پېښې په اړه یې پلټنې پیل کړې دي.
په هېواد کې د طالبانو بیا واک له رسېدو وروسته، د کورنیود غړو له خوا او په جنايي پېښو کې د ښځو او نجونو مروزې وژنې، ځان وژنې او قتلونه زیات شوي دي.
