د استرالیا پارلمان غړي جولیان هیل، جبرئیل ښارګوتي کې د ښځو نیولو او د لاریون ځپلو ته غبرګون ښودلی وايي، د هرات هزاره مېشتو سیمو کې د طالبانو له لوري په تاوتریخوالی سره د لاریونیانو ځپل ټکان ورکونکی دی.
رخشانه: هیل نن (سه شنبې د غبرګولي ۲۳مه) په خپله فسبوک پاڼه د یوه پوسټ په خپرولو سره لیکلي، استرالیا په افغانستان کې د طالبانو جنایتونه غندي.
د استرالیا د پارلمان غړي ویلي، د طالبانو نظام په نړۍ کې یو له تر ټولو ځپوونکی نظام دی. د هغه په وینا، په افغانستان کې هېڅ ډوله د دغه ځپوونکي رژیم له ظلم او ناوړه چلنده خوندي نه ده.
جولیان هېل ټینګار کړی، افغانستان کې د هر توکم او مخینې لرونکې ښځې او نجونې د طالبانو ډلې له فشار او تبعیض سره مخ دي.
د استرالیا د پارلمان دې غړي زیاته کړې، د افغان ښځو او نجونو هدفي ځپلو، د استرالیا په زرګونو وګړو هم اغېز کړی دی.
نوموړی وايي، د طالبانو هغه محدودونکي سیاستونه چې غواړي ښځې د عمومي ژوند له فضا حذف کړي ټکان ورکوونکي او د نه منلو دي.
جولیان هیل ویلي، استرالیا به هڅه وکړي، افغانستان کې د بشري حقونو څخه د سرغړونو په پار طالبان ځواب ویوونکي کړي.
ده ویلي، د استرالیا دولت د خپلو بندیزنو د خپلواک چوکاټ او د ښځو په وړاندې د هر ډول تبعیض له منځه وړلو کنوانسیون لاندې هڅو له لارې، ژمن دي، چې د دې سرغړونو له مسوولو ځواب وغواړي.
