هرات ښار کې ځايي سرچینې وايي، د طالبانو امربالمعروف ځواکونو دوه ښځې د ښار مرکز «لیلامیو جادې» او یو ځوان هلک په جبرئیل ښارګوټي کې نیولي او نامعلوم ځای ته یې لېږدولي دي.
رخشانه: دوه باوري سرچینو رخشانې رسنۍ ته ویلي، دا درې تنه پرون سهار یکشنبې (د غبرګولي ۲۳ مه) لیلاميو جاده کې له فردوسي مارکېټ او جبرئیل له څوارلس متره څخه نیولي دي.
هرات ښار کې یوه سرچینه وايي، د طالبانو امربالمعروف ځواکونو پرون سهار، دوه ښځې د ماسک نه لرلو په دلیل، د ښار مرکز کې د لیلامیو جادې له فردوسي مارکېټ څخه ونیوې.
د هرات جبرئیل ښارګوتي کې یوې بلې سرچینې هم ویلي، پرون سهار یو ځوان هلک، د تېرې اوونۍ په لاریونونو کې د ګډون له امله، د طالبانو استخباراتو ونیوه. د سرچینې په وینا، دا ځوان هلک محصل وو.
سرچینې زیاته کړې، د طالبانو ځواکونه د دې ځوان هلک له نیولو وروسته، د یوه مارکېټ امنیتي کمرې هم د متعرضینو د پېژندنې په موخه له ځان سره یوړوې
د تېرې سې شنبې په ورځ، جبرئیل کې د لاریونونو کې د ګډون په تور د خلکو د نیولو او د طالبانو له خوا د دې اعتراضي غونډو د ځپلو په اړه د رسنیو رسنیو د پوښښ پروسه روانه ده.
په تېره شاوخوا یوه اوونۍ کې، د طالبانو استخباراتي ځواکونو لسګونه تنه، د هرات د جبرئیل ښارګوټي له بېلا بېلو سیمو نیولي دي.
د هرات د جبرئیل اوسېدنکو په وینا، د ښځو د نیونې او اعتراضي غونډو څخه د شاوخوا یوې اوونۍ په تېرېدو، لا هم د ښار او بازار په کچه د ښځو د حضور حالت تېر ته نه دی ګرځېدلی.
د «حجاب نه رعایت کولو په تور» د هراتي ښځو نیونه په داسې حال کې دویمې اوونۍ ته د ننه کېږي، چې د دې ولایت اوسېدونکو تر اوسه پورې دوه ځلې په اعتراضي لاریونونو لاس پورې کړی دی.
معترضانو له طالبانو غوښتي، چې د ښځو او نجونو خپل سرې نیونې ودروي، د دې غوښتنو سره سره، لا هم په هرات کې د ښځو د نیولو لړۍ دوام لري.
