ننګرهار کې ځايي سرچینې وايي، د دې ولایت په بټي کوټل ولسوالۍ کې یو دیني عالم چې پخوا د طالبانو په حکومت کې قاضي هم وو، خپله ښځه په ډزو وژلې ده.
رخشانه: د ننګرهار بټي کوټ ولسوالۍ کې لږ تر لږه دوه سرچینو د هویت پټ ساتلو سره رخشانې رسنۍ ه ویلي، دا پېښه د تېرې اوونۍ د شنبې ورځ (د غبرګولي ۳۰مه) رامنځ ته شوې ده.
سرچینو ویلي، دا دیني عالم مولوي باغ ولي نومېږي، چې په «حزب الله وحداني» مشهور دی، خپله مېرمن د کلاشینکوف وسلې په ډوزو سره وژلې ده.
سرچینو زیاته کړې، د دې دیني عالم ښځه د کورني تاوتریخوالي له آمله وژل شوې ده.
د رخشانې رسنۍ سرچینو د دې ښخې د هویت او عمر په اړه څه نه دي ویلي.
د سرچینو د وینا له مخې، دې سړي په بټي کوټ ولسوالۍ کې د طالبانو د قاضي په توګه هم دنده تر سره کړې ده.
د ننګرهار بټي کوټ کې د طالبانو له منځه سرچینو ویلي، دا سړي د خپلې ښځې تر وژلو وروسته نیول شوی دی.
ننګرهار کې ځايي طالب چارواکو تر اوسه په رسمي ډول، په دې اړه څه نه دي ویلي.
